Rohit Sharma चेन्नई सुपर किंग्जमध्ये जाणार? स्वत: हिटमॅनच्या पत्नीने दिले संकेत

By Shweta Chidmalwad On Dec 16, 2023

Rohit Sharma: आयपीएल 2024 पूर्वी (IPL 2024) रोहित शर्माला मुंबई इंडियन्सच्या कर्णधारपदावरून (Mumbai Indians Captaincy) हटवण्यात आले होते. कर्णधारपदावरून हटल्यानंतर त्याच्याबद्दल अनेक प्रकारच्या अटकळांना सुरुवात झाली आहे. त्यापैकी एक म्हणजे रोहित चेन्नई सुपर किंग्जशी (Chennai Super Kings) हातमिळवणी करणार आहे का? सीएसके किंवा रोहित शर्मा यांच्याकडून याबाबत कोणतेही अधिकृत वक्तव्य आलेले नसले तरी एक संकेत नक्कीच मिळाला आहे.

वास्तविक, रोहित शर्माची पत्नी (Rohit Wife Ritika Sajdeh) रितिका सजदेह हिने CSK च्या इंस्टाग्राम पेजवर पिवळ्या हार्ट इमोजीवर कमेंट केली आहे. रितिकाने सीएसकेच्या पोस्टवर ही टिप्पणी केली, ज्यामध्ये तिने रोहित शर्माच्या 10 वर्षांच्या मजबूत कर्णधारपदासाठी त्याचे कौतुक केले. अशा परिस्थितीत रोहित शर्मा पुढच्या हंगामात मुंबई इंडियन्स सोडणार आणि CSK सोबत जाणार?, असे प्रश्न चाहत्यांच्या मनात निर्माण होत आहेत.

मात्र, रोहित शर्मा काय निर्णय घेतो? हे येणारा काळच ठरवेल, मात्र सध्या मुंबई इंडियन्समध्ये झालेल्या बदलामुळे क्रिकेट चाहते प्रचंड नाराज आहेत.

रोहित शर्मा पाच वेळा चॅम्पियन आहे

रोहित शर्मा हा आयपीएलच्या इतिहासातील सर्वात यशस्वी कर्णधार मानला जातो. रोहितने त्याच्या नेतृत्वाखाली मुंबई इंडियन्सला 5 वेळा विजेतेपद मिळवून दिले आहे. असे करणारा तो आयपीएलमधील पहिला कर्णधारही ठरला, पण वयाच्या 36 व्या वर्षी मुंबईने रोहित शर्माच्या भविष्याचा निर्णय घेतला आणि त्याला कर्णधारपदावरून हटवले.