मोदी सरकारला फक्त उच्चवर्णीय महिलांनाच पुढे करायचे आहे; ओवेसींचा महिला आरक्षण विधेयकाला विरोध
Nari Shakti Vandan Bill – आज सकाळी नवीन संसद भवनात विशेष अधिवेशनाच्या तिसऱ्या दिवसाच्या कामकाजाला सुरुवात झाली. महिला आरक्षणविषयक नारीशक्ती वंदन विधेयकावरील चर्चेला सदनात प्रारंभ झाला. मात्र महिला आरक्षणाच्या विधेयकाला AIMIM पक्षाचे प्रमुख खासदार असदुद्दीन औवेसी (Asaduddin Owaisi) यांनी विरोध दर्शवला आहे.
ते म्हणाले की, मुस्लिम महिलांची लोकसंख्या ७ टक्के आहे, पण या लोकसभेत त्यांचे प्रतिनिधित्व केवळ ०.७ टक्के आहे. या मोदी सरकारला केवळ उच्चवर्णीय महिलांनाच पुढे करायचे आहे. मुस्लिम महिला शिक्षणातही मागे आहेत, त्यांना आरक्षणाचा लाभ मिळायला हवा, असे ओवेसी म्हणाले.
शाळा सोडणाऱ्या मुस्लिम महिलांची टक्केवारी १९ टक्के आहे, तर इतरांची केवळ १२ टक्के आहे. ओवेसी म्हणाले की, या मोदी सरकारला सवर्ण महिलांचे प्रतिनिधित्व वाढवायचे आहे. निवडणुकीच्या इतिहासात आतापर्यंत ६९० महिला संसदेत निवडून आल्या आहेत आणि त्यापैकी केवळ २५ मुस्लिम आहेत. मुस्लिम महिलांशी हा दुहेरी भेदभाव असल्याचं ओवेसी म्हणाले. पहिलं, मुस्लिम म्हणून आणि दुसरं स्त्री म्हणून तिच्याशी भेदभाव केला गेला.
असदुद्दीन ओवेसी म्हणाले की, हे विधेयक फक्त बड्या लोकांना एंट्री देण्याची तयारी आहे. तुम्हाला नको आहे की लहान लोकांना म्हणजे दुर्बल घटकातील लोकांनाही संसद आणि विधानसभेत यावे. मुस्लिमांना राजकीयदृष्ट्या उपेक्षित करण्याचा हा प्रयत्न असल्याचे ते म्हणाले. ही देशाच्या लोकशाहीसाठी चांगली गोष्ट नाही. पीएम मोदी म्हणतात की मी ओबीसी समाजाचा आहे, पण त्यांनी त्यांच्यासाठी काय केले? हे त्यांचे ओबीसी वर्गावरील प्रेम आहे. हे मुस्लिमविरोधी विधेयक आहे. हे ओबीसी वर्गाच्या विरोधात आहे आणि केवळ उच्चवर्णीय महिलांना प्रोत्साहन देणार आहे. असदुद्दीन ओवेसी हे आतापर्यंतचे पहिले नेते आहेत ज्यांनी या विधेयकाला आपला विरोध जाहीर केला आहे.
महत्त्वाच्या बातम्या-
Anand Mahindra : आनंद महिंद्रांकडून भारतीय गोलंदाज सिराजसाठी पाठवली ग्रेटभेट
राष्ट्रवादी काँग्रेसमध्ये अजूनही फूट नाही! शरद पवार अन् प्रफुल्ल पटेल यांची नवी दिल्लीत भेट
राज ठाकरे जेव्हा मुकेश अंबानी यांच्या घरी पोहोचतात, भेटीमागचं कारण तर आहे अतिशय खास