Big Breaking : लोकसभेच्या एकूण जागांची संख्या ७२५ होणार ?

By Shweta Chidmalwad On Sep 19, 2023

Parliament Special Session Live: महिला आरक्षण विधेयकावर एक मोठी बातमी समोर येत आहे. केंद्र सरकार संसदेत महिलांच्या जागा वाढवू शकते, अशी माहिती सूत्रांच्या हवाल्याने मिळाली आहे. केंद्र सरकार महिला आरक्षणांतर्गत देशभरातील ५४५ जागांच्या व्यतिरिक्त ३३ टक्के जागा वाढवण्याचा निर्णय घेऊ शकते. सुमारे 180 अतिरिक्त जागा वाढवता येतील.

सोमवारी (18 सप्टेंबर) म्हणजेच एक दिवस आधी मोदी मंत्रिमंडळाने महिला आरक्षण विधेयकाला मंजुरी दिली आहे. यासोबतच पंतप्रधान नरेंद्र मोदी (Prime Minister Narendra Modi) मंगळवारी (19 सप्टेंबर) नव्या संसदेत महिला खासदारांनाही संबोधित करू शकतात. केंद्र सरकारने महिला आरक्षणांतर्गत सुमारे १८० जागा वाढविल्यास लोकसभेच्या एकूण जागांची संख्या ७२५ होईल. त्याचबरोबर केंद्राने अधिसूचना जारी करून अधिकृतपणे नवीन संसद भवनाला संसद भवनाचा दर्जा दिला आहे .

27 वर्षांहून अधिक काळ प्रलंबित असलेले महिला आरक्षण विधेयक मंजूर करण्याची मागणीही विरोधी पक्षांच्या नेत्यांनी संसदेच्या विशेष अधिवेशनापूर्वी झालेल्या सर्वपक्षीय बैठकीत केली होती. हे विधेयक मंजूर झाल्यास संसद आणि विधानसभांमध्ये एक तृतीयांश म्हणजेच ३३ टक्के जागा महिलांसाठी राखीव असतील. सध्याच्या लोकसभेत महिलांच्या स्थितीबद्दल बोलायचे झाले तर 78 महिला खासदार आहेत. लोकसभेतील एकूण 543 पैकी ही संख्या 15 टक्क्यांपेक्षा कमी आहे.