Chandrashekhar Bawankule | उद्धव ठाकरे दहशतवाद्यांच्या हाती ‘मशाल‘ देऊन पुन्हा मुंबई पेटवायचा मनसुबा आहे का? बावनकुळेंचा सवाल

By azad desk On May 9, 2024

Chandrashekhar Bawankule | लोकसभा निवडणुकीचा तिसरा टप्पा पार पडला असून आता १३ मेला चौथा टप्पा आणि २० मेला पाचवा टप्पा होणार आहे. त्यामुळे मुंबईतील सहाही मतदारसंघातील उमेदवारांच्या प्रचाराला वेग आला आहे. अशातच उत्तर पश्चिम मुंबईचे उद्धव ठाकरे (Uddhav Thackeray) गट आणि महाविकास आघाडीचे उमेदवार अमोल कीर्तिकर यांच्या प्रचारासाठी बाबा चौहान मैदानात उतरले होते. यावरुन भाजपाचे प्रदेशाध्यक्ष चंद्रशेखर बावनकुळे (Chandrashekhar Bawankule) यांनी उद्धव ठाकरेंवर जहरी टीका केली आहे.

१९९३ च्या मुंबई बॉम्बस्फोटातील आरोपी इकबाल मुसा उर्फ बाबा चौहान हा उत्तर पश्चिमचे उद्धव ठाकरे गट आणि महाविकास आघाडीचे उमेदवार अमोल कीर्तिकर यांच्या प्रचारार्थ व समर्थनार्थ फिरताना दिसत आहे. उद्धव ठाकरे सरकारमध्ये असताना याकूबच्या कबरीचं सुशोभीकरण, टीपू सुलतान, औरंगजेबाचा उदो उदो मोठ्या प्रमाणात झाला आणि आता थेट मुंबईकरांचा जीव घेणाऱ्या आरोपीकडून उबाठा गटाचा प्रचार केला जात आहे, अशी टीका बावनकुळे यांनी एक्स अकाउंटवरुन केली आहे.

उद्धव ठाकरेंची ‘मशाल‘ दहशतवाद्यांच्या हाती!

१९९३ च्या मुंबई बॉम्बस्फोटातील आरोपी इकबाल मुसा उर्फ बाबा चौहान हा उत्तर पश्चिमचे उद्धव ठाकरे गट आणि महाविकास आघाडीचे उमेदवार अमोल कीर्तिकर यांच्या प्रचारार्थ व समर्थनार्थ फिरताना दिसत आहे.

उद्धव ठाकरे सरकारमध्ये असताना याकूबच्या…

— Chandrashekhar Bawankule (Modi Ka Parivar) (@cbawankule) May 9, 2024

ते पुढे म्हणाले, हिंदुह्रदयसम्राट वंदनीय बाळासाहेब ठाकरे यांनी ९३ च्या स्फोटानंतर मुंबईला संरक्षण दिलं, पण उद्धव ठाकरे याच स्फोटातील आरोपीची साथ घेत आहेत. आज वंदनीय बाळासाहेबांच्या आत्म्याला काय वाटत असेल? जनाब उद्धव ठाकरेंना थोडी तरी लाज वाटली पाहिजे! उद्धव ठाकरे तुमची ‘मशाल‘ दहशतवाद्यांच्या हाती देऊन पुन्हा मुंबई आणि देश पेटवायचा मनसुबा आहे का?. असा सवालही त्यांनी यावेळी उपस्थित केला.