अरे देवा! पार्टी देण्यास नकार दिल्याने मित्रांनी काठ्यांनी मारहाण केली

By Shweta Chidmalwad Last updated Nov 6, 2023

Crime News : नारायणा परिसरात पार्टी देण्यास नकार दिल्याने एका तरुणाला त्याच्याच मित्रांनी बेदम मारहाण केली. पीडित तरुणाच्या तक्रारीनुसार नारायणा पोलीस ठाण्यात गुन्हा दाखल करण्यात आला आहे.

पोलिसात दिलेल्या तक्रारीत पीडित राज (19) यांनी सांगितले की, तो आपल्या कुटुंबासह इंद्रापुरी येथे राहतो. 31 ऑक्टोबर रोजी त्यांच्या बहिणीचा वाढदिवस होता. तो केक घेण्यासाठी रात्री बाजारात आला होता. वाटेत त्याच्या दोन मित्रांनी त्याला अडवले आणि पार्टी मागायला सुरुवात केली.

दरम्यान, पार्टी द्यायला त्याने जेव्हा नकार दिला तेव्हा त्याच्या दोन मित्रांनी त्याला काठ्यांनी मारहाण करण्यास सुरुवात केली. तो बेशुद्ध पडला. शुद्धीवर आल्यानंतर पोलिसांना माहिती दिली. या जबाबाच्या आधारे पोलिसांनी २ नोव्हेंबर रोजी गुन्हा दाखल केला. पोलीस या प्रकरणाचा तपास करत आहेत.