हे माहितीय का? जगातील एक असा देश जिथे नाही एकही नदी, पाण्याची गरज भागवण्यासाठी…

पाण्याशिवाय (Water) पृथ्वीवरील जीवनाची (Life On Earth) कल्पनाच करता येत नाही. पाण्याशिवाय आपल्या संपूर्ण दिनचर्येतही फरक पडतो. भारतातील अनेक शहरांमध्ये भूगर्भातील पाणी संपले किंवा संपण्याच्या मार्गावर असल्याचे तुम्ही ऐकले असेल. आपल्या देशातील पिण्याच्या पाण्याची मोठी गरज नद्यांच्या (River) पाण्याने भागवली जाते. जगातील महान संस्कृती पृथ्वीवरील नद्यांच्या काठावर विकसित झाल्या आहेत. पण तुम्ही अशा देशाची कल्पना करू शकता का, जिथे एकही नदी नाही. तिथल्या लोकांची पाण्याची गरज कशी भागणार? आज आम्ही तुम्हाला अशाच एका देशाबद्दल सांगणार आहोत जिथे एकही नदी (Country Without River) नाही…

या देशात एकही नदी नाही
सौदी अरेबिया (Saudi Arabia) हा जगाच्या नकाशावरील असा देश आहे, जिथे एकही नदी किंवा तलाव नाही. पण तरीही तो समृद्ध देशांपैकी एक आहे. सौदी अरेबियात पाऊसही जवळजवळ नसतो म्हणजे दरवर्षी फक्त एक ते दोन दिवस. पावसाअभावी भूगर्भातील पाण्याचेही पुनर्भरण होऊ शकलेले नाही. त्यामुळेच सौदी अरेबियाला पाण्यावर मोठा खर्च करावा लागत आहे. विशेष म्हणजे, जागतिक बँकेच्या अहवालानुसार सौदी अरेबिया दरवर्षी आपल्या जीडीपीच्या दोन टक्के पाण्यावर खर्च करतो.

पाण्याची गरज कशी पूर्ण होते?
सौदी अरेबिया मुख्यतः भूगर्भातील पाण्यावर अवलंबून आहे. आजही तिथले लोक पाण्यासाठी विहिरींचा वापर करतात. मात्र, भूगर्भातील पाणी संपूर्ण जनतेला पाणी देण्यासाठी पुरेसे नाही. काही आकडेवारीनुसार येथील भूगर्भातील पाणीही लवकरच संपणार आहे. सौदी अरेबियामध्ये समुद्राचे पाणी पिण्यायोग्य बनवले जाते आणि वापरले जाते हे एक मनोरंजक सत्य आहे. मात्र ही प्रक्रिया खूप महागडी आहे.

सौदी अरेबिया समुद्राने वेढलेला आहे
नदी नसतानाही सौदी अरेबियाला दोन बाजूंनी समुद्राने वेढले आहे. पश्चिमेला लालसागर आणि पूर्वेला पर्शियन गल्फने वेढलेले आहे. या दोन्ही समुद्रांना मोठे व्यावसायिक महत्त्व आहे. सुएझ कालवा लालसागरातून जातो.