Hardik Pandya | ‘होय, चूक झाली…’ सलग दुसऱ्या पराभवानंतर मुंबईचा कर्णधार हार्दिक पंड्याने मान्य केली आपली चूक

By azad desk On Mar 28, 2024

Hardik Pandya | आयपीएल 2024 मध्ये सलग दुसऱ्या पराभवानंतर कर्णधार हार्दिक पंड्या आपली चूक मान्य करताना दिसला. हैदराबादकडून 31 धावांनी पराभूत झाल्यानंतर त्याने सांगितले की काही गोष्टी चुकीच्या होत्या. तथापि, आम्ही ते दुरुस्त केल्यास सर्व काही ठीक होईल. याशिवाय त्याने रोहित शर्मा आणि टिलक वर्माबद्दलही मोठे वक्तव्य केले.

सामना संपल्यानंतर हार्दिक म्हणाला, विकेट चांगली होती, पण एवढी धावसंख्या होईल असे वाटले नव्हते. मात्र, याचा अर्थ असाही होतो की, हैदराबादच्या फलंदाजांनी चांगली फलंदाजी केली. आज 500 हून अधिक धावा झाल्या, याचा अर्थ ही खेळपट्टी फलंदाजांसाठी खूप चांगली होती.

गोलंदाजी करताना चूक झाली
हार्दिक (Hardik Pandya) पुढे म्हणाला की, आम्ही गोलंदाजी करताना काहीतरी वेगळं करण्याचा प्रयत्न करू शकलो असतो, पण आमच्याकडे तरुण गोलंदाजीचा क्रम आहे. आमच्या संघाने आज चांगली फलंदाजी केली. किशन, रोहित आणि टिलक यांची कामगिरी चांगली होती. काही गोष्टी चुकल्या आहेत. जर आम्ही आमच्या चुका सुधारल्या तर सर्व काही ठीक होईल.

बुमराहला उशिराने गोलंदाजी देण्यात आली
सामन्याबद्दल बोलायचे झाले तर, नाणेफेक जिंकल्यानंतर हार्दिकने प्रथम गोलंदाजी करण्याचा निर्णय घेतला. पहिल्या सामन्याप्रमाणेच हार्दिकला पहिल्या पॉवरप्लेमध्ये जसप्रीत बुमराहकडून फक्त एकच षटक मिळाले. त्यानंतर 13 वे षटक झाले. हार्दिकने हीच चूक केल्याने सनरायझर्स हैदराबादने मोठी धावसंख्या उभारल्याचे क्रिकेट तज्ज्ञांचे मत आहे.

सनरायझर्स हैदराबादने प्रथम फलंदाजी करत 277 धावा केल्या. तीन फलंदाजांनी अर्धशतकी खेळी खेळली. अभिषेक शर्माने आयपीएल 2024 मधील सर्वात जलद अर्धशतक झळकावले. तर, हेन्रिक क्लासेनने नाबाद 80 धावा केल्या. मुंबईला केवळ 246 धावा करता आल्या. टिळक वर्माने सर्वाधिक 64 धावांची खेळी खेळली.