Mukesh Ambani | अनंत-राधिकाच्या लग्नापूर्वी अंबानी कुटुंबाने जामनगरमध्ये बांधली 14 मंदिरे, भव्यता पाहून व्हाल थक्क!
Jamnagar – रिलायन्स इंडस्ट्रीजचे चेअरमन मुकेश अंबानी (Mukesh Ambani) यांचा धाकटा मुलगा अनंत अंबानी लवकरच राधिका मर्चंटसोबत लग्न करणार आहे. याआधी, मार्चच्या पहिल्या आठवड्यात या जोडप्याच्या प्री-वेडिंग फंक्शन्स गुजरातच्या जामनगरमध्ये (Jamnagar) होणार आहेत. सध्या अंबानी (Mukesh Ambani) कुटुंबात आनंदाचे वातावरण आहे. या सगळ्यात अनंत-राधिकाच्या लग्नाआधी गुजरातमधील जामनगरमध्ये 14 नवीन मंदिरे बांधण्यासाठी अंबानी कुटुंबाने मोठा पुढाकार घेतला आहे.
जामनगरमध्ये अंबानी कुटुंबाने 14 मंदिरे बांधली
या मंदिरांच्या बांधकामाची पहिली झलक नीता मुकेश अंबानी कल्चरल सेंटरच्या सोशल मीडिया हँडलने शेअर केली होती. एका व्हिडिओमध्ये नीता अंबानी कॅम्पसमध्ये फिरताना आणि कारागीर आणि स्थानिक लोकांशी बोलताना दिसत आहेत. ही मंदिरे भारताच्या समृद्ध संस्कृती, वारसा आणि पौराणिक कथांचा पुरावा म्हणून उभी आहेत.
नीता मुकेश अंबानी कल्चरल सेंटरने व्हिडिओमध्ये मंदिरांची झलक दाखवली
जामनगरमधील अंबानी कुटुंबाने बांधलेली, ही मंदिरे अतिशय सुंदर आणि स्थापत्यशास्त्रातील आश्चर्यकारक कलानुभूती आहेत. गुंतागुंतीचे कोरीव खांब, अनेक देवतांच्या मूर्ती आणि रंगीबेरंगी फ्रेस्को शैलीतील चित्रांनी मंदिरे सुशोभित केलेले आहेत. नीता मुकेश अंबानी कल्चरल सेंटरच्या अधिकृत हँडलद्वारे सामायिक केलेल्या इंस्टाग्राम पोस्ट कॅप्शनमध्ये लिहिले की, “मंदिर संकुल भारताची समृद्ध सांस्कृतिक आणि आध्यात्मिक ओळख प्रतिबिंबित करतात. या मंदिरांद्वारे मंदिराची कला जुनी तंत्रे आणि परंपरा उत्कृष्ट शिल्पकारांनी जिवंत केली आहे.”
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
जरांगेंच्या आंदोलनाशी संबंध नाही, दोषी असेन तर राजकारणातून संन्यास घेईन : Rajesh Tope