शिवसेना पदाधिकाऱ्याची राहत्या घरात घुसून हत्या; आधी तीन गोळ्या घातल्या मग कुऱ्हाडीने केले वार

यवतमाळ – यवतमाळ जिल्ह्यातील भांबराजा येथील एका शिवसेना पदाधिकाऱ्याची निघ्रृण हत्या करण्यात आलीय. कृषी उत्पन्न बाजार समितीचे संचालक आणि ग्रामपंचायत सदस्य असणाऱ्या सुनील डिरवे (Sunil Divare Shoot Dead) यांची राहत्या घरात घुसून तीन व्यक्तींनी हत्या केलीय. आधी डिवरे यांच्यावर गोळीबार करण्यात आला नंतर कुऱ्हाडीने त्यांच्यावर वार करुन त्यांची हत्या करण्यात आली. या घटनेमुळे एकच खळबळ उडाली आहे.

तीन अज्ञात व्यक्तींनी घरात घुसून डिवरेंवर आधी तीन गोळ्या झाडल्या त्यानंतर कुऱ्हाडीने डिवरे यांच्यावर वार केले. हा धक्कादायक घटनाक्रम गुरुवारी रात्री आठच्या सुमारास घडलाय. ४० वर्षीय सुनील डिवरे हे स्थानिकांमध्ये अत्यंत लोकप्रिय लोकप्रितिनिधी होते. ते कृषी उत्पन्न बाजार समितीचे संचालकही होते. डिवरे यांच्यावर हल्ला झाल्याची बातमी पंचक्रोशीमध्ये वाऱ्यासारखी परसली आणि त्यांच्या घराजवळ गर्दी जमा झाली होती.

यवतमाळ बाजार समिती संचालक आणि  सुनील डिवरे यांच्या हत्येनंतर भांबराजा आणि परिसरातील लोक संतापलेत. शिवसैनिकांनी आणि गावकऱ्यांनी नागपूर-तुळजापूर मार्गावर आज दुपारच्या सुमारास रास्ता रोको आंदोलन केले. या प्रकरणामध्ये तातडीने कारवाई करावी आणि आरोपींना अटक करावी अशी मागणी गावकऱ्यांकडून केली जात आहे.