‘इतिहासाची पुनरावृत्ती होतेय… सावध रहा…’, हिटलरशी तुलना करत प्रकाश राज यांनी मोदींवर साधला निशाणा
बॉलीवूड आणि दाक्षिणात्य अभिनेते प्रकाश राज (Prakash Raj) त्यांच्या अभिनय तसेच स्पष्टवक्तेपणासाठी ओळखले जातात. ते एक उत्तम अभिनेता तसेच राजकारणी आहेत. ते भारताचे पंतप्रधान नरेंद्र मोदींचे (PM Narendra Modi) टीकाकार म्हणूनही ओळखले जातात. त्यांनी अनेकवेळा भाजप आणि केंद्र सरकारवर निशाणा साधला आहे. अशा परिस्थितीत त्यांनी पुन्हा एकदा पंतप्रधानांवर निशाणा साधला असून एक फोटो शेअर करताना त्यांची तुलना हिटलरशी केली आहे. त्याचबरोबर भविष्य धोक्यात असल्याचे सांगितले आहे.
सध्या देशात कुस्तीपटूंचे आंदोलन सुरू आहे. ते ब्रिजभूषण शरण सिंह यांच्या विरोधात आंदोलन करत आहेत. दिवसेंदिवस हे प्रकरण गंभीर होत चालले आहे. यावर प्रत्येकजण आपापल्या प्रतिक्रिया देत आहे. काही त्यांच्या समर्थनार्थ बोलत आहेत तर काही त्यांना फक्त दिशाभूल करत असल्याचे म्हणत आहेत. दरम्यान, आता ‘सिंघम’ फेम अभिनेता प्रकाश राज यांनी पंतप्रधान नरेंद्र मोदींवर निशाणा साधला आहे. त्यांनी त्यांची तुलना अॅडॉल्फ हिटलरशी केली आहे.
History repeats..Future is behind the Barbed wire .. BEWARE..ಇತಿಹಾಸ ಮರುಕಳಿಸುತ್ತಿದೆ .. ಭವಿಷ್ಯ ಮುಳ್ಳು ತಂತಿಯ ಹಿಂದಿದೆ . ಎಚ್ಚೆತ್ತುಕೊಳ್ಳಿ #justasking pic.twitter.com/5awaJs6ywe
— Prakash Raj (@prakashraaj) May 4, 2023
प्रकाश राज यांनी ट्विट केले आहे
प्रकाश राज यांनी पीएम मोदींचा एक फोटो शेअर केला आहे, ज्यामध्ये त्यांच्यासमोर मुले दिसत आहेत. त्यात त्यांच्या आणि मुलांमध्ये काटेरी तार आहे. यासंदर्भात प्रकाश राज यांनी हिटलरचा एक फोटोही शेअर केला आहे, ज्यामध्ये तोही तसाच दिसत आहे. अशा परिस्थितीत, हे ट्विट करताना अभिनेत्याने लिहिले, ‘इतिहासाची पुनरावृत्ती होतेय… या काटेरी तारांमागे भविष्य आहे, सावध रहा…’
त्यांच्या या ट्विटवर भाजप समर्थकांनी प्रकाश राज यांना घेरले आहे. त्यांच्यावर कमेंट्सध्ये जोरदार टीका केली जात आहे. तर काहींनी प्रकाश राज यांच्या ट्वीटवर सहमती दर्शवली आहे.