Rohit Sharma And Chris Gayle: भारतीय संघाचा कर्णधार रोहित शर्माने (Rohit Sharma) बुधवारी विश्वचषक 2023च्या (World Cup 2023) 9व्या सामन्यात अफगाणिस्तानविरुद्ध (IND vs AFG) इतिहास रचला. रोहित शर्माने 84 चेंडूत 16 चौकार आणि पाच षटकारांच्या मदतीने 131 धावा केल्या आणि यादरम्यान त्याने आंतरराष्ट्रीय क्रिकेटमध्ये सर्वाधिक षटकार (Most International Sixes) ठोकण्याचा विश्वविक्रम केला.
रोहित शर्माने वेस्ट इंडिजचा माजी सलामीवीर ख्रिस गेलचा (Chris Gayle) विक्रम मोडीत काढत ही कामगिरी केली. ख्रिस गेलने आंतरराष्ट्रीय क्रिकेटमध्ये 551 डावांमध्ये 553 षटकार ठोकले होते. भारतीय कर्णधाराने 473 डावात 556 षटकार मारले आहेत.
युनिव्हर्स बॉस म्हणून प्रसिद्ध असलेल्या ख्रिस गेलने रोहित शर्माचा विक्रम मोडल्याबद्दल अभिनंदन केले, ज्यावर भारतीय कर्णधाराने शानदार पलटवार केला. रोहित शर्माचे उत्तर चाहत्यांना खूप आवडले आहे.
ख्रिस गेलने इंस्टाग्रामवर पोस्ट केले, “अभिनंदन रोहित शर्मा. आंतरराष्ट्रीय क्रिकेटमध्ये सर्वाधिक षटकार ठोकले. 4-5 क्रमांक खास आहे.” या पोस्टवर रोहित शर्माने उत्तर दिले, ”धन्यवाद ख्रिस गेल. आपल्या पाठीवर 4 आणि 5 आहे, पण माझा आवडता क्रमांक 6 आहे.”
https://youtube.com/shorts/PzIE4PlotUk?si=mhzYXgt6Ww9Uk9VT
महत्वाच्या बातम्या-
Navratri : राज्यातील दांडिया आयोजकांना प्राथमिक आरोग्य सुविधा आणि रुग्णवाहिका ठेवणे बंधनकारक
