Tea After Meal: जेवणानंतर चहा-कॉफीही पिताय का? आजच बदला ही सवय, कारण…

By vina On Sep 11, 2023

Tea after Meal can be dangerous : काही लोकांना चहाची इतकी आवड असते की त्यांना सकाळ असो वा संध्याकाळ चहा (Tea) नक्कीच हवा असतो. आळस दूर करण्यासाठी काही लोक दिवसातून २-३ वेळा चहाचे सेवन करतात. जेवल्यानंतरही काहीजण चहा घेतात पण जेवणानंतर चहा पिणे शरीरासाठी हानिकारक आहे. जेवणानंतर चहा पिण्याचे तोटे जाणून घेऊया.

अन्न खाल्ल्यानंतर चहा प्यायल्याने तुमच्या पचनसंस्थेला हानी पोहोचते, कारण चहा ताबडतोब प्यायल्याने शरीर अन्न पचवू शकत नाही, ज्यामुळे गॅस आणि अॅसिडिटी (Gas and Acidity) सारख्या समस्या उद्भवतात. चहामध्ये कॅफिन (Caffeine) असते, ज्यामुळे एखाद्या व्यक्तीचा रक्तदाब वाढू शकतो. जर तुम्ही उच्च रक्तदाबाचे रुग्ण असाल तर जेवणानंतर चहा घेऊ नका.

खाल्ल्यानंतर चहा प्यायल्याने शरीर आवश्यक पोषक तत्वे घेऊ शकत नाही. त्यामुळे शरीरात लोहाची कमतरता निर्माण होऊन अॅनिमियासारख्या आजारांचा धोका वाढतो. चहामध्ये वापरल्या जाणार्‍या दुधात २.८% लॅक्टोज आढळते. अनेक वेळा लैक्टोजच्या गुणधर्मामुळे गॅसची समस्या निर्माण होते.

एका संशोधनानुसार, झोपण्याच्या १० तास आधी चहा प्यायल्यास ते शरीरासाठी एनर्जी बूस्टर म्हणून काम करते. यामुळे पचन आणि यकृतही निरोगी राहते. त्याचा फायदा म्हणजे वेळेवर भूक लागते आणि चांगली झोप लागते. योग्य वेळी चहाचे सेवन केल्याने मेंदू शांत राहतो आणि तणावाची समस्या येत नाही.जर तुम्हाला पचन किंवा झोपेची समस्या नसेल तर तुम्ही संध्याकाळी हर्बल चहाचा आनंद घेऊ शकता.