वयाच्या १२व्या वर्षी वैभवने केले रणजी क्रिकेटमध्ये पदार्पण, तेंडुलकरसह या खेळाडूंचे विक्रम मोडले

By Shweta Chidmalwad On Jan 5, 2024

Ranji Trophy Vaibhav Suryavanshi: बिहारच्या वैभव सूर्यवंशीने रणजी ट्रॉफी 2024 च्या (Ranji Trophy 2024) पहिल्याच दिवशी इतिहास रचला आहे. वयाच्या अवघ्या 12 वर्षे 284 दिवसांत त्याने रणजी क्रिकेटमध्ये पदार्पण केले. अशी कामगिरी करणारा तो चौथा सर्वात तरुण खेळाडू आहे. वैभवने पहिला रणजी सामना मुंबईविरुद्ध खेळला. शम्स मुलाणीच्या कर्णधार असलेल्या मुंबई संघाविरुद्ध मैदानात उतरताच वैभवने एक खास विक्रम आपल्या नावावर केला. 2000 नंतर 13 वर्षांखालील रणजी क्रिकेटमध्ये पदार्पण करणारा तो पहिला खेळाडू आहे. त्याने सचिन तेंडुलकरसह (Sachin Tendulkar) अनेक खेळाडूंचे रेकॉर्ड मोडले आहेत. सचिन लहान वयातच रणजी क्रिकेटमध्ये मोठे नाव बनला आणि त्याने भारतीय संघातही स्थान मिळवले.

रणजी ट्रॉफीच्या 1942-43 हंगामात, अलिमुद्दीन हा रणजी सामना खेळणारा सर्वात तरुण खेळाडू ठरला. त्याने वयाच्या 12 वर्षे 73 दिवसात पहिला रणजी सामना खेळला. अजमेरचा अलिमुद्दीन राजपुताना संघाकडून रणजी ट्रॉफीचा उपांत्य सामना खेळला. महाराज प्रताप सिंग कोरोनेशन जिमखाना, बडोदा येथे राजपुताना आणि बडोदा यांच्यात हा सामना झाला.

1959-60 मध्ये, एसके बोस यांनी वयाच्या 12 वर्षे आणि 76 दिवसांचा पहिला रणजी सामना खेळला. जमशेदपूरच्या कीनन स्टेडियमवर बिहार आणि आसाम यांच्यात हा सामना झाला. मोहम्मद रमजानने 1937 मध्ये वयाच्या 12 वर्षे 247 दिवसात रणजी क्रिकेटमध्ये पदार्पण केले. तो उत्तर भारताकडून संयुक्त प्रांत संघाविरुद्ध खेळला. हा सामना पटियालाच्या बारादरी मैदानावर खेळला गेला.

आतापर्यंत एकूण नऊ खेळाडूंनी 13 वर्षांखालील रणजी ट्रॉफीमध्ये पदार्पण केले आहे.

नाव पदार्पण हंगाम
अलिमुद्दीन 1942-43
एस.के. बोस 1959-60
मोहम्मद रमजान 1937
वैभव सूर्यवंशी 2023-24
आकिब जावेद 1984-85
मोहम्मद अक्रम 1968-69
रिझवान सत्तार 1985-86
सलीमुद्दीन 1954-55
कासिम फिरोज 1970-71