घोर कलियुग! वृद्ध आईला निर्दयीपणे मारहाण करताना दिसला मुलगा, सीसीटीव्हीत कैद झाला प्रकार
Viral Video: पंजाबमध्ये एक व्हिडिओ व्हायरल झाला आहे, ज्यामध्ये एका 73 वर्षीय महिलेवर तिचा मुलगा, सून आणि नातवाकडून अत्याचार आणि बेदम मारहाण केली जात आहे. महिलेचा मुलगा वकील असून, सीसीटीव्ही कॅमेऱ्यांमधून मिळालेल्या पुराव्यांच्या आधारे त्याला अटक करण्यात आली आहे. त्याने स्वतः आईच्या खोलीत कॅमेरा बसवला होता. अटकेपूर्वी वकिलाने सांगितले की, तो त्याच्या आईची सेवा करत आहे.
आशा राणी पंजाबमधील रोपर येथे तिचा मुलगा, मुलगी आणि सुनेसोबत राहते. तिच्या पतीचा हृदयविकाराच्या झटक्याने मृत्यू झाला. मुलगा अंकुर वर्मा आणि पत्नी सुधा तिला मारहाण करत असल्याचे तिने आपली मुलगी दीपशिखाला सांगितले होते.
वृद्ध महिलेवर क्रूरता
त्यानंतर मुलगी दीपशिखाने आई आशा राणींच्या खोलीत लावलेल्या सीसीटीव्ही कॅमेऱ्याचे फुटेज मिळवले आणि तिने जे पाहिले ते पोलिसांना सांगितले. एका व्हिडिओमध्ये पीडितेचा नातू आशा राणीच्या गादीवर पाणी ओततो आणि नंतर आजीने बेड ओले केल्याची तक्रार त्याच्या पालकांकडे करतो. अंकुर आणि सुधा तपासासाठी आलेले दिसतात आणि अंकुर बेडवर पडलेल्या आईला मारहाण करताना दिसतो. तो तिच्या पाठीत बुक्क्या मारतो, तिला वारंवार थप्पड मारतो. तो तिच्यावर ओरडताना दिसतो. हे सुमारे एक मिनिट चालू राहते.
Watch the handiwork of a #Kalyugi #Kuputra from #Punjab
The old sick mother urinated on the bed how to beat his #Mother with this complaint, later it was found out that his own son had spilled water and complained of #Grandmother.#friends #cloutmma2 #INDvsENG#Indian pic.twitter.com/p7TJ9BQtbD
— •▪︎■●♤☆DADDU☆♤●■▪︎• (@DaduofAntiHindu) October 29, 2023
मुलाने वृद्ध आईला मारहाण करण्यास सुरुवात केली
अंकुर निघून जातो आणि अचानक सुधा आणि नातू खोलीत येताना दिसतात. सुधा हातवारे करून काहीतरी बोलते आणि अंकुर पुन्हा आत येतो, आणि आईचे केस ओढून तिला मारहाण करु लागतो.
दीपशिखाच्या तक्रारीच्या आधारे पोलिसांचे एक पथक आणि एनजीओचे काही लोक शनिवारी आशा राणीच्या घरी पोहोचले आणि तिची सुटका केली. चौकशीत अंकुरने सांगितले की तो त्याच्या आईची सेवा करत होता. तिची मानसिक स्थिती ठीक नाही.
महत्वाच्या बातम्या-
इश्क पर किसका जोर! काकूच्या प्रेमात वेडा झाला पुतण्या, पळून जाऊन लग्नाचं केलं प्लॅनिंग; पण…
मराठा आरक्षणाबाबत सरसकट निर्णय घ्या!- अशोक चव्हाण
रामा राघव फेम अभिनेत्री श्रद्धा पवारचं ‘प्रपोज’ हे रोमँटिक गाणं प्रेक्षकांच्या भेटीला