Budget 2023 : पंतप्रधान आवास योजना आणि रेल्वेसाठी अर्थमंत्र्यांनी केली ‘ही’ मोठी घोषणा
Budget 2023 India Live Updates : अर्थमंत्री निर्मला सीतारामन (Finance Minister Nirmala Sitharaman) यांनी आज 2023-2024 या वर्षासाठी केंद्रीय अर्थसंकल्प (union budget 2023) सादर केला आहे. निर्मला सीतारामन यांचा अर्थमंत्री म्हणून हा पाचवा अर्थसंकल्प होता. पुढील वर्षी 2024 मध्ये होणाऱ्या लोकसभा निवडणुकीपूर्वी मोदी सरकारचा हा शेवटचा पूर्ण केंद्रीय अर्थसंकल्प होता. यावेळी त्यांनी अनेक महत्वाच्या घोषणा करत सर्वसामन्यांना दिलासा देण्याचा प्रयत्न केला आहे.
आपल्या भाषणात निर्मला सीतारामन यांनी सांगितले की , पंतप्रधान आवास योजनेचा खर्च ६६% ने वाढवून ७९,००० कोटी करण्यात येत आहे. अर्थसंकल्पात रेल्वेसाठी 2.40 लाख कोटी रुपयांची भांडवली तरतूद करण्यात आली आहे. या सोबतच अर्थमंत्री निर्मला सीतारामन यांनीही आरोग्य सेवेसाठी मोठी घोषणा केली आहे. 2014 पासून स्थापन झालेल्या विद्यमान 157 वैद्यकीय महाविद्यालयांसह सहस्थानमध्ये 157 नवीन नर्सिंग महाविद्यालये सुरू करण्यात येणार आहेत.पशुसंवर्धन, दुग्धव्यवसाय आणि मत्स्यव्यवसाय यावर लक्ष केंद्रित करून कृषी कर्जाचे लक्ष्य 20 लाख कोटी रुपयांपर्यंत वाढवले जाईल.
याशिवाय NITI आयोगासाठी राज्य समर्थन अभियान आणखी 3 वर्षे सुरू राहील. तेथे ई-कोर्ट असतील आणि 7000 कोटी रुपयांच्या खर्चासह ई-कोर्टाचा टप्पा 3 सुरू केला जाईल. अधिक फिनटेक सेवा सक्षम करण्यासाठी डिजीलॉकर वाढविण्यात येणार आहे. 5G साठी अॅप्स विकसित करण्यासाठी अभियांत्रिकी संस्थांमध्ये 100 लॅब स्थापन करण्यात येणार आहेत