पांढरे केस पुन्हा कायमचे काळे होऊ शकतात? जाणून घ्या यात किती तथ्य आहे

Pune – महिला असो वा पुरुष सर्वांनाच आपले केस खूप आवडतात, कारण हे केस आपल्या व्यक्तिमत्त्वाचा एक भाग आहे जे आपल्याला सुंदर किंवा स्मार्ट दिसण्यात खूप महत्त्वाची भूमिका बजावतात. केसांशी निगडीत अनेक समस्या जरी आपणा सर्वांनाच भेडसावत असतात जसे की केस गळणे, फाटणे, कोंडा होणे आणि अशा अनेक समस्या पण यापैकी एक समस्या म्हणजे केस पांढरे होणे.  बाजारात डाई, कलर, मेहंदी उपलब्ध आहे पण अनेकांना प्रश्न पडतो की पांढरे केस पुन्हा काळे करता येतील का? या चे उत्तर आपण या लेखात मिळवणार आहोत.

तज्ञांच्या मते, पांढरे केस कायमचे काळे होऊ शकतात की नाही याचा विचार करण्यापूर्वी आपण त्यामागील कारणे समजून घेतली पाहिजेत. सामान्यत: लोक आहाराच्या अभावामुळे किंवा चुकीच्या आहारामुळे अशा समस्यांमधून जात असतात. याशिवाय काही लोकांमध्ये अनुवांशिक कारण असते, परंतु वाढत्या वयाबरोबर ही समस्या खूप सामान्य आहे. जर तुम्ही योग्य जीवनशैलीचे पालन केले तर त्यामुळे केस पांढरे होण्यास उशीर होऊ शकतो.

सर्वप्रथम तुम्हाला हे जाणून घेणे आवश्यक आहे की तुमचे केस का पांढरे होत आहेत का, ही कोणतीही वैद्यकीय स्थिती असेल तर डॉक्टर त्यावर उपचार करतील.. तुमच्यात पौष्टिकतेची कमतरता आहे असे डॉक्टरांना वाटत असेल तर ते तुम्हाला यासाठी योग्य आहार योजना सांगतील.

खोबरेल तेल आणि आवळा वापरल्याने तुमचे केस काळे होऊ शकतात. आवळ्यामध्ये कोलेजन वाढवण्याची क्षमता असते. केसांच्या वाढीसाठी हे आवश्यक आहे आणि त्यामुळे केस काळे होतात. जर तुम्हाला हवे असेल तर तुम्ही आवळा पावडर खोबरेल तेलात मिसळून केसांना मसाज करू शकता, याशिवाय आवळा खाणे हा देखील एक चांगला पर्याय आहे ज्यामुळे तुमचे केस काळे होण्यास मदत होईल.

केस काळे करण्यासाठी एरंडेल आणि ऑलिव्ह ऑईल देखील उपयुक्त आहे, यासाठी तुम्हाला मोहरीच्या तेलाचा वापर करावा लागेल. एरंडेल तेलामध्ये प्रथिनांचे प्रमाण चांगले असते जे केस तुटण्यास प्रतिबंध करते, तर मोहरीमध्ये लोह मॅग्नेशियम सेलेनियम झिंक आणि कॅल्शियम असते जे केसांना पोषण देऊन काळे करण्यास मदत करते.आयुर्वेदानुसार मेंदीची पाने मोहरीच्या तेलात शिजवून त्याचे मिश्रण लावल्याने केस काळे होतात.

केस पांढरे होणे टाळण्यासाठी टिप्सकेस जास्त धुवू नका,जंक, प्रक्रिया केलेले डबाबंद, तळलेले भाजलेले मसालेदार अन्न कमी खा.सोडा, कोला आणि इतर कार्बोनेटेड पेये टाळा,धूम्रपान आणि मद्यपान यांसारख्या सवयी काटेकोरपणे टाळा. आठवड्यातून दोन ते तीन वेळा केसांना तेल लावून चंपी करा. रसायनयुक्त उत्पादने वापरणे टाळा. विशेष सूचना ही आहे की यातील कोणताही उपाय करण्या आगोदर तज्ञांचा सल्ला घ्या.