देशातील पहिला ट्रान्सजेंडर आमदार अडचणीत, शबनम आंटीवर गुन्हा दाखल

By Shweta Chidmalwad On Nov 22, 2023

Transgender MLA Shabnam Aunty: मध्य प्रदेश विधानसभा निवडणूक 2023 चे निकाल जाहीर होण्यापूर्वी माजी आमदार शबनम आंटी अडचणीत सापडल्याचं दिसत आहे. शबनम आंटीच्या विरोधात आदर्श आचारसंहिता नियमांचे उल्लंघन केल्याप्रकरणी शस्त्रास्त्र कायद्यांतर्गत गुन्हा दाखल करण्यात आला आहे. खरे तर आदर्श आचारसंहितेच्या काळात माजी आमदार शबनम आंटीने आपले पिस्तूल पोलिस ठाण्यात जमा केले नव्हते, त्यामुळे त्यांच्याविरुद्ध पोलिस ठाण्यात गुन्हा दाखल करण्यात आला होता.

विधानसभा निवडणुकीमुळे निवडणूक आयोगाने राज्यभर परवाना असलेली शस्त्रे जमा करण्याच्या सूचना दिल्या होत्या. निवडणूक आयोगाच्या या सूचनांचे पालन करून राज्यभरात 2 लाख 69 हजार 297 हून अधिक परवाने जमा झाले. तर 758 शस्त्रे जमा न केल्याने त्यांचे परवाने तत्काळ प्रभावाने निलंबित करण्यात आले आहेत.

याच प्रक्रियेत माजी आमदार शबनम आंटीनेही आपले पिस्तूल जमा केले नाही. त्यामुळे त्यांचा पिस्तुल परवानाही रद्द करण्यात आला. आता शबनम आंटीवर अनुपपूर कोतवाली पोलिस ठाण्यात गुन्हा दाखल करण्यात आला आहे. शबनम आंटीच्या विरोधात कलम 188 आणि 29, 30 शस्त्रास्त्र कायद्यानुसार गुन्हा दाखल करण्यात आला आहे.

शबनम आंटी या देशातील पहिल्या ट्रान्सजेंडर आमदार आमदार आहेत. 2000 मध्ये झालेल्या पोटनिवडणुकीत शबनम आंटी मध्य प्रदेशातील शहडोल जिल्ह्यातील सोहागपूर विधानसभा मतदारसंघातून निवडणूक जिंकून देशातील पहिल्या ट्रान्सजेंडर आमदारबनल्या. यावेळी शबनम आंटीने निवडणूक लढवली नसली तरी त्या सामाजिक कार्यात सक्रिय राहतात. शबनम आंटीकडे दोन परवानाकृत शस्त्रे आहेत, ज्यात 12 बोअरची डबल बॅरल बंदूक आणि एक पिस्तूल यांचा समावेश आहे. त्याने बंदूक पोलीस ठाण्यात जमा केली होती, मात्र पिस्तूल जमा केले नव्हते.