पिटबुल कुत्र्याचा दीड वर्षीय मुलीवर जीवघेणा हल्ला, पडले १८ टाके; पाहा घटनेचा थरार

Delhi News: देशाची राजधानी दिल्लीत कुत्र्यांची दहशत कायम आहे. ताजं प्रकरण उत्तर दिल्लीशी संबंधित आहे. बुरारी परिसरात एका पिटबुल कुत्र्याने दीड वर्षाच्या मुलीवर हल्ला करून तिला रक्तबंबाळ केले. ही घटना 2 जानेवारी रोजी घडली होती. पिटबुलच्या हल्ल्यामुळे मुलगी 17 दिवस रुग्णालयात दाखल होती. तिच्या पायाच्या तीन ठिकाणचे हाड तुटले होते. डॉक्टरांना तिला 18 टाके घालावे लागले. पोलिसांत तक्रार करूनही अद्याप कोणतीच कारवाई झाली नसल्याचा आरोप कुटुंबीयांनी केला आहे. उलट पोलिस कुत्र्याच्या मालकावर समझोता करण्यासाठी दबाव टाकत आहेत.

दिल्ली पोलिसांनी दिलेल्या माहितीनुसार, ही घटना 2 जानेवारी रोजी घडली जेव्हा बुरारीच्या सी ब्लॉकमध्ये राहणारी मुलगी आणि तिचे आजोबा जागेश्वर मेहता त्यांच्या घरातून फिरायला निघाले होते. यावेळी पिटबुल कुत्र्याने मुलीवर हल्ला केल्याचे पोलिसांनी सांगितले. मेहता यांनी सांगितले की, मुलीला आणखी दोन आठवडे राम मनोहर लोहिया रुग्णालयात राहावे लागले.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप

पोलिसांच्या या वृत्तीमुळे पीडित कुटुंब संतप्त आहे

जागेश्वर मेहता यांनी सांगितले की, आम्ही तीन वेळा पोलिसांशी संपर्क साधला, मात्र त्यांनी अद्याप गुन्हा दाखल केलेला नाही. तसेच कुत्र्याच्या मालकावर कोणतीही कारवाई करण्यात आली नाही. त्यांनी सांगितले की, कुत्र्याने यापूर्वी दुसऱ्या शेजाऱ्यावरही हल्ला केला होता. पीडित मुलीच्या आजोबांच्या तक्रारीवरून पोलिस स्टेशनने सांगितले की, संबंधित कलमांतर्गत गुन्हा दाखल करण्यापूर्वी ते वस्तुस्थितीची पुष्टी करत आहेत.

चाहे किसी के लिए शौक हो सकता है लेकिन उन परिवर के क्या जो कुत्तों के हमले से घायल होते है …तस्वीरें दिल्ली के बुराड़ी की है जहां पीटबुल कुत्ते में मासूम को अपना निशाना बना डाला …#Pitbull #pitbulldogattack #viralvideo #BreakingNews #DelhiNCR pic.twitter.com/zqrQqJBLIH

— Krishnadev Yadav (@krishna_news) January 19, 2024

रोहिणीतील एका मुलीलाही रुग्णालयात दाखल करावे लागले

9 जानेवारी रोजी रोहिणी येथील सेक्टर-25 मध्ये शेजारच्या कुत्र्याने केलेल्या हल्ल्यात सात वर्षांची मुलगी गंभीर जखमी झाली होती. त्यात निष्पाप मुलगी 15 हून अधिक ठिकाणी जखमी झाली होती. तिलाही उपचारासाठी रुग्णालयात दाखल करावे लागले. कुत्र्याच्या मालकाची आडमुठी वृत्ती पाहून पीडित मुलीच्या वडिलांनी एफआयआर नोंदवण्याचा निर्णय घेतला, परंतु पोलीस ठाण्यात एफआयआर दाखल करण्यास नकार दिला. त्यामुळे संतप्त झालेल्या मुलीच्या कुटुंबीयांनी आणि समाजातील लोकांनीही आपल्या परिसरात कुत्र्यांच्या दहशतीविरोधात आंदोलन केले.

महत्वाच्या बातम्या-

मंदिर नको तर रोटी, कपडा, मकान, शिक्षण आणि आरोग्य हवंय; नक्षलवाद्यांची कोल्हेकुई झाली सुरु

Ram Mandir Pran Pratishta : राम मंदिरातील प्राणप्रतिष्ठा सोहळा थांबवला जाणार?

Women’s Health: 50 व्या वर्षी निरोगी राहू इच्छिता? रोज ही एक गोष्ट खायला सुरुवात करा