Gold Price: 2024 मध्ये 10 ग्रॅम सोन्याचा भाव 72,000 पर्यंत जाऊ शकतो, जाणून घ्या कारण

By Shweta Chidmalwad On Dec 31, 2023

Gold and silver prices in new year 2024: आता 2023 वर्ष संपायला फक्त एक दिवस उरला आहे. सोन्या-चांदीची खरेदी करणाऱ्यांसाठी वर्षाच्या शेवटी आनंदाची बातमी होती. सोन्या-चांदीच्या दरात मोठी घसरण पाहायला मिळाली. शुक्रवार, 29 डिसेंबर रोजी राष्ट्रीय राजधानीच्या सराफा बाजारात सोन्याच्या दरात 350 रुपयांची घसरण दिसून आली आणि ती 63,950 रुपये प्रति 10 ग्रॅमवर आली.

चांदीच्या दरातही घसरण दिसून आली आणि त्याची किंमत 1,000 रुपयांनी घसरली. चांदीचा भाव प्रतिकिलो 78,500 रुपये राहिला. परंतु 2024 मध्ये असे होणार नाही. नवीन वर्षात सोने महाग होण्याची शक्यता आहे. येत्या नवीन वर्षात सोन्याचा भाव 72 हजार रुपये प्रति 10 ग्रॅम होण्याची शक्यता आहे.

लोक अधिक सोने खरेदी करतील
2022 मध्ये सोन्याबद्दल लोकांची आवड कायम राहील, असे एका अहवालात म्हटले आहे. मध्यवर्ती बँका सतत सोने खरेदी करत आहेत आणि त्याचा साठा जमा करत आहेत. किमती घसरल्याने लोक अधिक सोने खरेदी करतील त्यामुळे येत्या वर्षभरात सोन्याचे भाव नवे उच्चांक गाठतील.

सोन्याने 2023 मध्ये 15% चा चांगला परतावा दिला आहे आणि 2024 मध्ये देखील चांगला परतावा अपेक्षित आहे. अमेरिकेची मध्यवर्ती बँक फेडरल रिझर्व्हने व्याजदरातील वाढ बंद करण्याचे संकेत दिले आहेत. मध्यवर्ती बँक 2024 मध्ये व्याजदरात कपात करेल अशी अपेक्षा आहे. यामुळे यूएस बॉण्डच्या उत्पन्नात घट होईल आणि सोन्यासाठी चांगले वातावरण निर्माण होईल. सोन्यासाठी मुख्य आधार पातळी 59 हजार रुपये आणि 58 हजार 700 रुपये प्रति 10 ग्रॅम असा अंदाज आहे. किमती कमी झाल्याने सोन्याकडे ग्राहकांचे आकर्षण वाढेल.