Men’s Hockey World Cup: जाणून घ्या यापूर्वी झालेल्या 14 विश्वचषकात भारतीय संघाची कामगिरी कशी होती 

Indian Hockey Team: 15 व्या हॉकी विश्वचषकाचा आज दुसरा दिवस आहे. पहिल्या दिवशी चार सामने झाले, ज्यामध्ये भारतीय संघाच्या सामन्याचाही समावेश होता. भारतीय हॉकी संघाने आपल्या मोहिमेला स्पेनचा 2-0 असा पराभव करत विजयाने सुरुवात केली. टोकियो ऑलिम्पिक 2020 मधील कांस्यपदक आणि राष्ट्रकुल 2022 मधील रौप्यपदक विजेत्या भारतीय संघाला यावेळी हॉकी विश्वचषकात विजेतेपद मिळण्याची अपेक्षा आहे.

दरम्यान, हॉकी विश्वचषकाच्या ५२ वर्षांच्या इतिहासात भारतीय संघाला आतापर्यंत फक्त एकदाच चॅम्पियन बनता आले आहे. 1975 मध्ये भारतीय संघाला विजेतेपद मिळाले. मात्र त्यानंतर गेल्या ४८ वर्षांत भारतीय संघ उपांत्य फेरीपर्यंत पोहोचू शकलेला नाही. येथे जाणून घ्या भारतीय संघाची कामगिरी कधी कशी होती…

हॉकी विश्वचषक १९७१: तिसरे स्थान (सेमीफायनल)

हॉकी विश्वचषक १९७३: दुसरे स्थान (फायनल)

हॉकी विश्वचषक 1975: पहिले स्थान (चॅम्पियन)

हॉकी विश्वचषक 1978: 6 वे स्थान

हॉकी विश्वचषक १९८२: पाचवे स्थान

हॉकी विश्वचषक १९८६: बारावे स्थान

हॉकी विश्वचषक 1990: 10 वे स्थान

हॉकी विश्वचषक १९९४: पाचवे स्थान

हॉकी विश्वचषक १९९८: ९वे स्थान

हॉकी विश्वचषक 2002: 10 वे स्थान

हॉकी विश्वचषक 2006: अकरावे स्थान

हॉकी विश्वचषक 2010: आठवे स्थान

हॉकी विश्वचषक 2014: 9वे स्थान

हॉकी विश्वचषक 2018: 6 वे स्थान

  यावेळी एकूण 16 संघ हॉकी विश्वचषक 2023 मध्ये सहभागी होत आहेत. या संघांची चार गटांमध्ये विभागणी करण्यात आली आहे. प्रत्येक पूलमधील अव्वल संघाला उपांत्यपूर्व फेरीत थेट प्रवेश मिळेल. दुसऱ्या आणि तिसऱ्या स्थानावर असलेल्या संघाला क्रॉस ओव्हर सामन्यांद्वारे अंतिम आठमध्ये पोहोचण्याची संधी असेल. भारतीय संघ पूल-डीमध्ये आहे. येथे त्याच्याकडे स्पेन, इंग्लंड आणि वेल्सचे संघ आहेत.