आरएसएसने दसऱ्याच्या कार्यक्रमात पहिल्यांदाच केले एका महिलेला प्रमुख पाहुणे म्हणून आमंत्रित   

नागपूर – दसऱ्याच्या मुहूर्तावर दरवर्षी नागपुरात होणाऱ्या राष्ट्रीय स्वयंसेवक संघाच्या (Rashtriya Swayamsevak Sangh) कार्यक्रमात गिर्यारोहक संतोष यादव (santosh yadav) यावेळी प्रमुख पाहुणे म्हणून सहभागी होणार आहेत. संघाच्या दसरा कार्यक्रमात (Dussehra program) महिला प्रमुख पाहुणे म्हणून सहभागी होण्याची ही पहिलीच वेळ आहे. महिला मतदारांमध्ये आपले स्थान निर्माण करण्याच्या भाजपच्या (BJP) प्रयत्नांमध्ये संघाने उचललेले हे पाऊल चर्चेत आहे .

संघाचे सरचिटणीस दत्तात्रेय होसाबळे (Dattatreya Hosabale) यांनी संघटनेच्या बैठकीत महिलांचा सहभाग नसल्याबद्दल खंत व्यक्त केली आहे. दरम्यान, आता संघाच्या वार्षिक दसरा दिन सोहळ्यात गिर्यारोहक संतोष यादव प्रमुख पाहुणे म्हणून उपस्थित राहणार असल्याचे आरएसएसने जाहीर केले आहे. संतोष यादव मूळच्या हरियाणाच्या (Haryana) आहेत. विशेष म्हणजे दोनदा एव्हरेस्ट सर करणारी ती पहिली महिला आहे. 2000 मध्ये त्यांना पद्मश्रीने सन्मानित करण्यात आले आहे .

खरे तर संघाची प्रतिमा पुरुषांची संघटना अशी आहे. ज्यामध्ये पुरुष सहभागी होतात. या प्रतिमेसाठी अनेक राजकीय पक्षांकडून संघावर हल्लाबोलही होत आहे. अशा परिस्थितीत ही प्रतिमा बदलण्यासाठी संतोष यादव यांना आरएसएसच्या दसरा कार्यक्रमात आमंत्रित करण्यात आल्याचे मानले जात आहे. त्याचबरोबर कुटुंब आणि समाजातील मूल्यांचा प्रसार करणे हा संघाच्या कुटुंब प्रबोधन कार्यक्रमाचा उद्देश आहे. ज्यावर संघाने नव्याने लक्ष केंद्रित केले आहे.