Rishabh Pant | ‘खोलीत जाऊन खूप रडायचो…’, धोनीशी होणाऱ्या तुलनेवर ऋषभ पंतचा धक्कादायक खुलासा

By azad desk On Feb 2, 2024

Rishabh Pant on MS Dhoni: ऋषभ पंत महेंद्रसिंग धोनीला आपला गुरू मानतो, पण एक वेळ अशी होती की, भारताच्या माजी कर्णधाराशी सतत तुलना केल्यामुळे पंत इतका दडपणाखाली यायचा की त्याला ‘गुदमरल्यासारखे’ वाटायचे. डिसेंबर २०२२ मध्ये कार अपघातात जखमी झालेला पंत (Rishabh Pant) अजूनही पूर्णपणे तंदुरुस्त नाही. धोनी हा एकमेव असा व्यक्ती आहे ज्याच्यासोबत तो आयुष्यातील प्रत्येक गोष्ट शेअर करतो. पंतने कबूल केले की त्याच्या कारकिर्दीच्या सुरुवातीच्या दिवसांमध्ये धोनीशी तुलना करणे खूप कठीण होते. धोनीशी तुलना करण्याबाबत पंतने अनेक खुलासे केले आहेत.

‘मी खोलीत जाऊन रडायचो’

‘स्टार स्पोर्ट्स’च्या मालिकेत पंत म्हणाला, ‘मला खूप वाईट वाटायचे. मी २०-२१ वर्षांचा होतो आणि खोलीत जाऊन रडत असे. इतका तणाव होता की मला श्वास घेता येत नव्हता. इतकं दडपण आलं की आता काय करावं असा प्रश्न पडायचा. मोहालीत स्टंपिंगची संधी हुकल्यावर प्रेक्षक धोनी धोनी ओरडायला लागायचे.’ यासोबतच ऋषभ पंतने धोनीसोबतच्या नात्याबद्दलही सांगितले आहे.

धोनीसोबतच्या नात्याबद्दल त्याने हे सांगितले

पंत म्हणाला, ‘मी एमएसशी माझे नाते सांगू शकत नाही. कोणीतरी आहे ज्याच्याशी तुम्ही सर्व काही शेअर करू शकता. मी सर्व गोष्टींबद्दल एमएसशी बोललो आहे. त्याच्याकडून मला खूप काही शिकायला मिळाले. मी त्याच्याशी अशा गोष्टींबद्दल बोलतो जे मी इतर कोणाशीही करू शकत नाही. त्याच्याशी माझे असेच नाते आहे.’

‘तुलना होऊ नये’

धोनीशी झालेल्या तुलनेबाबत पंत म्हणाला की, असे होऊ नये. पंत म्हणाला, ‘मला समजू शकले नाही की माझी त्याच्याशी तुलना का होते? मी नुकताच संघात सामील झालो होतो आणि लोक पर्यायांबद्दल बोलू लागले. असे प्रश्न तरुणाला का विचारले जात होते? ही तुलना का होत होती, ती व्हायला नको होती. एकाने पाच सामने खेळले आहेत आणि दुसऱ्याने 500 खेळले आहेत. त्याला इतका मोठा प्रवास झाला आहे त्यामुळे ही तुलना अर्थहीन होती.’