Sunny Leone आता यूपी पोलिसात रुजू होणार? हॉल तिकीट झाले व्हायरल
Sunny Leone In UP Police: बॉलीवूड अभिनेत्री सनी लिओनी (Sunny Leone) सोशल मीडियावर खूप सक्रिय असते आणि दररोज तिचे ग्लॅमरस फोटो शेअर करून चर्चेत असते. पुन्हा एकदा सनीचे नाव इंटरनेटवर चर्चेत आले आहे. मात्र, यावेळी सनीच्या चर्चेत येण्याचे कारण तिचे छायाचित्र नसून इंटरनेटवर व्हायरल झालेले परीक्षेचे प्रवेशपत्र आहे. हे प्रवेशपत्र पाहिल्यानंतर सनी लिओन अभिनय सोडून आता यूपी पोलिसात (UP Police) दाखल होणार का? अशी चर्चा सुरु झाली आहे.
वास्तविक, उत्तर प्रदेशमध्ये पोलीस भरती परीक्षा सुरू असून, त्यात ४८ लाखांहून अधिक उमेदवार बसले आहेत. यापैकी एक नाव आहे अभिनेत्री सनी लिओनीचे (Sunny Leone). वास्तविक, नुकतेच असे एक प्रवेशपत्र समोर आले आहे, जे संपूर्ण देशात चर्चेचा विषय बनले आहे. बॉलिवूड अभिनेत्री सनी लिओनीच्या नावाने हे प्रवेशपत्र जारी करण्यात आले आहे. त्यात सनी लिओनीचा ग्लॅमरस पिक्चरही पाहायला मिळत आहे.
उत्तर प्रदेश पोलीस विभागाने प्रवेशपत्र जारी केले आहे. यामध्ये सनी लिओनी रेड कलरचा ड्रेस परिधान करून खूपच ग्लॅमरस दिसत आहे. त्यावर त्यांचे नाव लिहिले आहे. पत्रव्यवहाराचा पत्ता मुंबई आणि दुसरा पत्ता कासगंज आहे. परीक्षा केंद्र सोन श्री स्मारक बालिका महाविद्यालय, मंडी बाजार तिरवा कन्नौज आहे, ज्यामध्ये अभिनेत्री पेपर देईल. सनीच्या नावाने व्हायरल होत असलेल्या ॲडमिट कार्डची सध्या सोशल मीडियावर खिल्ली उडवली जात आहे.
दुसरीकडे, हे प्रवेशपत्र पाहिल्यानंतर एसपी अमित कुमार आनंद यांनी पोलिस विभागाला तपासाचे आदेश दिले आहेत. एसपी अमित कुमार आनंद यांनी सांगितले की, ही कोणाची तरी खोड आहे, ज्याने सनी लिओनीच्या नावाने अर्ज केला होता, पण नाव आणि फोटो न पाहता ॲडमिट कार्ड जारी करण्यात पोलिस विभागही दुर्लक्ष करत आहे. या प्रकरणाची माहिती उत्तर प्रदेश रिक्रूटमेंट अँड प्रमोशन बोर्ड, लखनौला देण्यात आली आहे. या प्रकरणाची चौकशी केली जाईल आणि सनी लिओनीच्या नावाने अर्ज केलेल्या व्यक्तीचा शोध घेतला जाईल आणि त्याने हे कृत्य का केले याचा शोध घेतला जाईल.
महत्वाच्या बातम्या
Lok Sabha Elections | भाजपचे आजपासून राष्ट्रीय अधिवेशन; लोकसभा निवडणुकीचा रोडमॅप तयार