Train Viral Video: जागेवरुन ट्रेनमध्ये भिडले दोन तरुण, कॉलर पकडून मारामारी सुरू असताना…

By Shweta Chidmalwad On Oct 18, 2023

Train Viral Video: ट्रेनच्या जनरल डब्यात जो आधी पोहोचतो त्याला सीटचा ताबा मिळतो. काही जण बळजबरीने जागा मिळवण्याचा प्रयत्न करतात तर काही विनंत्या करून बसण्यासाठी जागा मागतात. काही वेळातच जनरल डब्यात इतकी गर्दी होते की पाय ठेवायलाही जागा मिळणे कठीण होते. ट्रेनच्या जनरल डब्यात सीटसाठी भांडण किंवा बाचाबाची होणे नेहमीचे आहे. तुम्हालाही कधी ना कधी असाच अनुभव आला असेल. सध्या यासंदर्भातील एक व्हिडिओ सोशल मीडियावर व्हायरल होत आहे. यामध्ये आपण पाहू शकतो की वरच्या सीटसाठी दोन लोक एकमेकांना कसे मारहाण करत होते.

एका जागेसाठी दोन जण लढले
व्हायरल होत असलेल्या या व्हिडिओमध्ये तुम्ही बघू शकता की, ट्रेनचा जनरल डबा माणसांनी खचाखच भरलेला आहे. वरच्या सीटवर तीन लोक बसले आहेत. मग एका व्यक्तीचा दुसऱ्या बाजूच्या व्यक्तीशी वाद होतो. सुरुवातीला सर्वकाही सामान्य दिसते. वातावरण पाहून सगळे हसायला लागतात. पण काही वेळातच वादाचे रुपांतर हाणामारीत होते. एका व्यक्तीने मधूनच एका व्यक्तीला काढून समोरच्या व्यक्तीशी हाणामारी केली. काही वेळातच कॉलर पकडणे सुरू झाले. दोघांनी एकमेकांना धक्काबुक्की करण्यास सुरुवात केली. दोघेही वरच्या सीटवरून खाली पडतील असे वाटत होते. हा व्हिडिओ वेगाने व्हायरल होत आहे.

Kalesh b/w Two Guys inside Indian Railways over seat issues Bihar pic.twitter.com/rVFAvITjoe

— Ghar Ke Kalesh (@gharkekalesh) October 15, 2023

व्हिडिओमध्ये तुम्हाला दिसेल की काही लोक भांडण शांत करण्याचा प्रयत्न करत आहेत परंतु दोघेही कोणाचेही ऐकत नाहीत आणि भांडणात व्यस्त आहेत. यादरम्यान एक माणूस त्यांच्या भांडणावर भाष्यही करतो. ही सामान्य लढत नसून डब्ल्यूडब्ल्यूईची लढत असल्याचे तो म्हणत असल्याचे दिसते. एक माणूस रोमन रेन्स आणि दुसरा जॉन सीनापेक्षा कमी नाही. त्या व्यक्तीच्या या कमेंटवर अनेक प्रतिक्रिया येऊ लागल्या आहेत. हे दृश्य बिहारमधील कुठल्यातरी ठिकाणचे दिसते. दोघेही ज्या प्रकारे सीटसाठी भांडत आहेत ते खरोखरच धक्कादायक आहे.

हा व्हिडिओ @gharkekalesh नावाच्या X हँडलवर (पूर्वीचे ट्विटर) शेअर करण्यात आला आहे. कॅप्शनद्वारे सांगण्यात आले आहे की, बिहारमधील दोन लोक ट्रेनमध्ये सीटसाठी भांडत आहेत. अवघ्या काही सेकंदांच्या या व्हिडिओला लाखो व्ह्यूज मिळाले आहेत.