उद्धव ठाकरे यांचा राजीनामा ही आमच्यासाठी आनंदाची बाब नाही – शिंदे गट
मुंबई – महाराष्ट्राच्या राजकारणात उद्धव ठाकरे Uddhav Thackeray) यांनी मुख्यमंत्रिपदाचा राजीनामा दिल्यानंतर राजकीय खलबते थांबली आहेत. राजीनाम्यानंतर भाजपच्या (BJP)गोटात आनंदाचे वातावरण आहे. देवेंद्र फडणवीस (Devendra Fadnavis) यांच्या नेतृत्वाखाली सरकार स्थापनेचा मार्ग मोकळा झाला आहे. मात्र, सरकार स्थापनेत एकनाथ शिंदे (Eknath Shinde )महत्त्वाची भूमिका बजावणार आहेत.
उद्धव यांच्या राजीनाम्यानंतर नवीन सरकार स्थापनेचा निर्णय एकनाथ शिंदे घेतील. उद्धव ठाकरेंच्या राजीनाम्यावर शिवसेना बंडखोर नेते दीपक केसरकर म्हणाले की, त्यांचा राजीनामा ही आमच्यासाठी आनंदाची बाब नाही. ते आमचे नेते होते. आता आमच्या सर्व आमदारांची बैठक घेऊन महाराष्ट्राच्या हिताचा जो निर्णय घेतला जाईल तो घेऊ, असे केसरकर म्हणाले.
दरम्यान, एकनाथ शिंदे यांनी हिंदुत्वाच्या मुद्द्यावर बंड केले आणि उद्धव यांच्यापासून वेगळे होऊन गुवाहाटी गाठले. उद्धव सरकारचे आमदारही त्यांच्या हिंदुत्वाच्या विचारसरणीत एक-एक करून सामील झाले. केसरकर म्हणाले की, उद्धव जेव्हा मुख्यमंत्री होते तेव्हा त्यांना भेटणेही अवघड होते. आमदार असूनही ६ महिने ठाकरेंना भेटू शकलो नाही, असे ते म्हणाले. मुख्यमंत्री कार्यालयाने आमदारांना योग्य प्रतिसाद दिला नाही. तरीही आमची उद्धव यांच्यावर निष्ठा आहे.
दुसरीकडे उद्धव यांच्या राजीनाम्यानंतर भाजपच्या गोटात आनंदाचे वातावरण आहे. नेते देवेंद्र फडणवीस यांना मिठाई खाऊ घालत असल्याचे चित्रही समोर आले आहे. त्याचबरोबर एकनाथ शिंदे यांच्या घराबाहेर फटाके फोडून आनंद व्यक्त करण्यात आला आणि मिठाईही वाटण्यात आली. फडणवीस आता १ जुलैला मुख्यमंत्रीपदाची शपथ घेऊ शकतात. अद्याप अधिकृत दुजोरा मिळालेला नसला तरी. उद्धव यांनी मुख्यमंत्रीपदासह विधान परिषदेच्या सदस्यत्वाचाही राजीनामा दिला आहे. राज्यपालांनी उद्धव यांचा राजीनामा स्वीकारला असून पुढील व्यवस्था होईपर्यंत त्यांना काळजीवाहू मुख्यमंत्री राहण्यास सांगितले आहे.