चाहते द्वेष करत असतील, पण कोहली आणि गिलची मैत्री किती घट्ट आहे हे तुम्हाला माहिती आहे का?
Virat Kohli & Shubman Gill Friendship: गुजरात टायटन्सविरुद्धच्या पराभवानंतर रॉयल चॅलेंजर्स बंगळुरू प्लेऑफच्या शर्यतीतून बाहेर पडले आहेत. विराट कोहलीने रॉयल चॅलेंजर्स बंगळुरूकडून शतक झळकावले, पण शुभमन गिलने उत्कृष्ट शतक झळकावून आपल्या संघाला विजय मिळवून दिला.
गुजरात टायटन्सने रॉयल चॅलेंजर्स बंगलोरवर विजय मिळवल्यानंतर रोहित शर्माच्या नेतृत्वाखालील मुंबई इंडियन्स प्लेऑफमध्ये पोहोचणारा चौथा संघ ठरला. यानंतर रॉयल चॅलेंजर्स बंगळुरूचे चाहते गुजरात टायटन्सच्या सलामीवीरावर संतापले.रॉयल चॅलेंजर्स बंगलोरच्या चाहत्यांनी सोशल मीडियावर शुभमन गिलला खूप ट्रोल केले. सोशल मीडिया ट्रोलर्सनी शुभमन गिलच्या बहिणीलाही सोडले नाही, पण विराट कोहली आणि शुभमन गिल यांच्यात किती छान बॉन्डिंग आहे हे तुम्हाला माहीत आहे का?
गुजरात टायटन्सविरुद्धच्या पराभवानंतर रॉयल चॅलेंजर्स बंगळुरूचा खेळाडू विराट कोहलीने (Virat Kohli) एक ट्विट केले आहे. या ट्विटमध्ये त्याने लिहिले आहे की, या हंगामात आमच्यासाठी अनेक संस्मरणीय क्षण होते, परंतु दुर्दैवाने आम्ही अपयशी ठरलो. त्यांनी पुढे लिहिले आहे की, या पराभवानंतर आम्ही दु:खी आहोत, पण आमचे मनोबल कमी झाले नाही.
The bond of Virat Kohli & Shubman Gill. pic.twitter.com/CCKlereJaG
— Johns. (@CricCrazyJohns) May 23, 2023
त्याचवेळी गुजरात टायटन्सचा युवा सलामीवीर शुभमन गिल (Shubman Gill) याने विराट कोहलीच्या ट्विटवर किंग इमोजी अशी कमेंट केली आहे. यावरून विराट कोहली आणि शुभमन गिल यांच्यात किती छान बॉन्डिंग आहे याचा अंदाज लावला जाऊ शकतो… तथापि, शुभमन गिलने माजी भारतीय कर्णधाराची प्रशंसा करणारे ट्विट किंवा टिप्पणी करण्याची ही पहिलीच वेळ नाही… याआधीही त्याने अशा कमेंट केल्या होत्या. याशिवाय शुबमन गिलची ही स्टाईल चाहत्यांना पसंत पडत आहे. सोशल मीडिया युजर्स विराट कोहली आणि शुभमन गिलच्या बॉन्डिंगवर सतत कमेंट करून आपली प्रतिक्रिया देत आहेत. विराट कोहलीच्या ट्विटवर शुभमन गिलचे कमेंट मोठ्या प्रमाणात व्हायरल होत आहे.