एकनाथ शिंदे यांच्यासोबत असलेल्या शिवसेनेच्या लोकांना आम्ही बंडखोर मानत नाही – सुधीर मुनगंटीवार
मुंबई – महाराष्ट्रात सध्या सुरू असलेल्या राजकीय पेचप्रसंगाच्या पार्श्वभूमीवर भाजपने कोअर कमिटीची बैठक घेतली. महाराष्ट्राचे माजी मुख्यमंत्री देवेंद्र फडणवीस (Devendra Fadnavis) यांच्या घरी ही महत्त्वपूर्ण बैठक झाली. सागर बंगला येथे झालेल्या भाजप कोअर कमिटीच्या बैठकीत देवेंद्र फडणवीस यांच्यासह पक्षाच्या नेत्यांनी पुढील रणनीतीवर चर्चा केली. सूत्रांनी दिलेल्या माहितीनुसार, एमव्हीए सरकार अल्पमतात आल्याने लवकरच सरकार स्थापन होईल, असा विश्वास व्यक्त करण्यात आला आहे.
सुप्रीम कोर्टाच्या आजच्या आदेशावर भाजप कोअर कमिटीच्या बैठकीत चर्चा झाल्याचे सूत्रांनी सांगितले. यादरम्यान भाजपच्या आमदारांना मुंबईत येऊन राहण्याचे आदेश देण्यात आले आहेत. शिवसेनेचे बंडखोर आमदार मुंबईत कधी येणार, त्यांची सुरक्षा आणि स्वागत यावरही चर्चा झाली.
बैठकीनंतर भाजप नेते सुधीर मुनगंटीवार (Sudhir Mungantiwar) म्हणाले की, न्यायालयाच्या निर्णयानंतर परिस्थितीवर चर्चा झाली आहे. बैठकीत राज्यातील अस्थिर परिस्थितीवर चर्चा करण्यात आली. मुनगटीवार म्हणाले की, भाजप (BJP) अजूनही थांबा आणि बघाच्या भूमिकेत आहे. ते म्हणाले की, एकनाथ शिंदे (Eknath Shinde) गटाकडून पाठिंबा काढून घेण्याबाबत चर्चा झाली आहे, इतर गट आता काय भूमिका घेतात, हे पाहिले जाईल. भाजपची कोअर कमिटी पुन्हा बसणार असल्याचे मुंगटीवार म्हणाले. ते म्हणाले की, शिवसेनेच्या बंडखोर गटाकडून कोणताही प्रस्ताव आलेला नाही. एकनाथ शिंदे यांच्यासोबत असलेल्या शिवसेनेच्या लोकांना मी बंडखोर मानत नाही. आजच्या परिस्थितीत भाजपने फ्लोर टेस्टची मागणी करण्याची गरज नाही.