Sunetra Pawar | सुनेत्रा पवार यांचा भर पावसात प्रचार, बैलगाडीतूनही काढण्यात आली मिरवणूक
Sunetra Pawar | राज्यात अवकाळी पावसाचे संकट ओढावले असून अनेक ठिकाणी दुपारच्या कडाक्याच्या उन्हानंतर संध्याकाळी पाऊस होत असल्याचे चित्र आहे. दरम्यान राज्यात लोकसभा निवडणुकीसाठी सर्वपक्षीयांकडून प्रचाराचा धडाका सुरू आहे. यामध्ये पावसाने काही वेळा अडथळा येत असल्याचे दिसून येते. मात्र तरी देखील काल बारामती लोकसभा मतदार संघातील महायुतीच्या उमेदवार सुनेत्रा पवार (Sunetra Pawar) यांनी पावसातही आपला प्रचार दौरा सुरू ठेवल्याचे पाहायला मिळाला. विशेष म्हणजे याप्रसंगी मोठ्या संख्येने लिंगाळी गावातील ग्रामस्थ उपस्थित होते.
बारामतीची लोकसभा निवडणूक ही पवार विरूद्ध पवार अशी असल्याने राष्ट्रवादीच्या दोन्ही गटांनी प्रचाराचा धडाका लावला आहे. सुनेत्रा पवार स्वतः रात्रंदिवस प्रचारात व्यस्थ असल्याचे चित्र आहे. काल तर लिंगाळी गावात रिमाजीम पावसात तिन्ही सांजेला त्यांची प्रचार यात्रा सुरू होती. पाऊस असून देखील या ठिकाणी वाद्यांच्या गजरात सजवलेल्या बैलगाडीतून त्यांना मिरवणुकीने सभेच्या ठिकाणी नेण्यात आले.
मलठण येथे ग्रामस्थांच्या मोठ्या उपस्थितीत सुनेत्रा पवार यांनी महायुतीच्या नेत्यांनी, पदाधिकाऱ्यांनीही त्यांच्याशी संवाद साधला. महायुतीच्याच माध्यमातून विकासकामे होत आहेत आणि यापुढेही होणार आहेत. त्यामुळे महायुतीलाच कोणत्याही परिस्थितीत मताधिक्य मिळणार आहे, अशी ग्वाही यावेळी ग्रामस्थांनी दिली.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Pune Loksabha | मोहोळ प्रचंड मताने निवडून येतील, देवेंद्र फडणवीस यांचा विश्वास
Amol Kolhe | केंद्रातील सरकार बदलणार ही काळ्या दगडावरची रेष, अमोल कोल्हेंचा सूतोवाच