पुणे – अभिनेता सलमान खान (Actor Salman Khan) याला धमकी देणारे एक पत्र समोर आल्याने एकच खळबळ उडाली होती. सलमानचे वडील सलीम खान यांना घराजवळच्या बाकड्यावर सापडलेलं पत्र तिथं ठेवणाऱ्या लोकांचा माग काढण्यात पोलिसांना यश आलंय.
पंजाबमधील गायक, काँग्रेस नेता सिद्धू मुसेवाला खून प्रकरणातील (Sidhu Musewala murder case) संशयित तसेच मोक्का कायद्यान्वये कारवाई (Action under Mocca Act) केल्यानंतर फरार झालेला गुंड सिद्धेश कांबळे उर्फ सौरभ महाकाल (Siddhesh Kamble alias Saurabh Mahakal) याची मुंबई पोलिसांच्या गुन्हे शाखेकडून गुरुवारी चौकशी करण्यात आली. याच चौकशीदरम्यान हा खुलासा झाल्याची माहिती समोर आली आहे.
महाकाल हा बिष्णोई टोळीचा (Bishnoi tribe) सदस्य आहे. महाकाळने पोलिसांना दिलेल्या माहितीनुसार बिष्णोईचा सहकारी विक्रम बराडने (Vikram Barad) तीन लोकांच्या माध्यमातून हे पत्र सलीम खान (Salim Khan) यांच्यापर्यंत पोहचवलं. ‘सलमान खानचा सिद्धू मुसेवाला करून टाकू’ असे या पत्रात लिहण्यात आले होते.
