ही आहे जगातील सर्वात मोठी मांजर, लांबी इतकी की स्वत:च उघडते दरवाजा
World Biggest Cat: सोशल मीडियावर एका मांजरीचा एक फोटो व्हायरल झाला आहे, ज्याचे वर्णन जगातील सर्वात मोठी मांजर म्हणून केले जात आहे. या मांजराची लांबी इतकी असते की ती दार स्वतःच उघडते. रशियाच्या युलिया मिनिना या मांजरीची मालकीण आहे. युलियाने या मांजरीचे नाव ‘केफिर’ ठेवले आहे. युलिया तिच्या सोशल मीडिया अकाउंटवर केफिरचे फोटो पोस्ट करत असते.
युलियाच्या सोशल मीडिया पेजवर 73 हजारांहून अधिक फॉलोअर्स आहेत. जेव्हा जेव्हा युलिया केफिरचे फोटो पोस्ट करते तेव्हा वापरकर्ते त्यावर लाईक आणि कमेंट करतात. त्याचबरोबर मांजराची लांबी पाहून ते आश्चर्यही व्यक्त करतात. एका फोटोमध्ये, युलियाने तिची मुलगी अँचेकासोबत केफिरचा व्हिडिओ पोस्ट केला आहे. या व्हिडिओमध्ये, अँचेका आणि केफिरची लांबी जवळजवळ समान आहे.
युलियाने पोस्ट केलेल्या दुसर्‍या व्हिडिओमध्ये, केफिर तिच्या मागच्या पायांवर उभा राहून सहजपणे दरवाजाच्या हँडलपर्यंत पोहोचताना दिसते. काही वेळाने केफिर दरवाजा उघडून बाहेर येते आणि सूर्यप्रकाशात बसते. व्हिडिओमध्ये दोघेही किचनमध्ये दिसत आहेत. युलियाची मुलगी मांजरीला नाश्ता देताना दिसत आहे. या व्हिडिओच्या कॅप्शनमध्ये युलियाने लिहिले की, “लव्हली कपल, केफिर आणि अँचेका . या दोघांना कधीही कंटाळा येत नाही.”
केफिर आणि युलियाची मुलगी अनेक फोटो आणि व्हिडिओंमध्ये एकत्र दिसू शकते. दोघेही घरभर मस्ती करतात आणि एकत्र कार्टून बघतात.