आदित्य ठाकरे हे पंतप्रधान नरेंद्र मोदींचा फोटो दाखवून भाजपच्या मतांवर निवडून आले आहेत – शेलार

Mumbai – राज्यात सत्तांतर झाल्यापासून आमदार आदित्य ठाकरे (Aaditya Thackeray) हे शिंदे गटावर आणि भाजपवर टीका करत आहेत. आज पुन्हा एकदा त्यांनी टीकास्त्र सोडले आहे. त्यांनी शिंदे गटातील आमदारांना चांगलेच फैलावर घेतले होते. आता त्यांनी केलेल्या या टीकेचा समाचार भाजपनेते आशिष शेलार यांनी घेतला आहे.

आदित्य ठाकरे हे पंतप्रधान नरेंद्र मोदींचा फोटो दाखवून भाजपच्या मतांवर निवडून आले आहेत. त्यानंतर शरद पवारांच्या राष्ट्रवादी काँग्रेसशी आघाडी केली. ही लाचारी नाही का? असा सवाल शेलारांनी आदित्य ठाकरेंना केला आहे.

आदित्य ठाकरे म्हणाले म्हणाले होते ?
राज्यात फक्त राजकारण सुरू, जनतेचा आवाज दाबला जातोय, घटनाबाह्य सरकार असल्याने जनतेचा आवाज ऐकू येत नाही. आम्ही घटनेचे सेवक आहोत, 40 गद्दारांकडे नैतिक अधिकार नाही. अपक्षांना स्थान दिले नाही, निष्ठेला बंडखोरांमध्ये स्थान नाही हे मंत्रिमंडळ विस्तारात दिसतयं. खरा मुख्यमंत्री कोण हे जनतेचा लक्षात आले आहे.