संजय राठोड यांच्या मंत्रिमंडळातील समावेशानंतर चित्रा वाघ यांनी दिली ‘ही’ प्रतिक्रिया
मुंबई : आज मंत्रिमंडळाचा विस्तार (Maharashtra Cabinet Expansion) आज पार पडला यात टीईटी घोटाळ्यात नाव आल्यानंतरही सत्तारांची मंत्रिपदी वर्णी लागली आहे. तसेच पूजा चव्हाण आत्महत्या प्रकरणी आमदार संजय राठोड यांच्यावर देखील गंभीर आरोप करण्यात आले होते त्यांची देखील या मंत्रिमंडळ विस्तारात वर्णी लागली आहे.विशेष म्हणजे पूजा चव्हाण या तरूणीच्या संशयास्पद मृत्यू प्रकरणी संजय राठोड यांच्यावर आरोप करत देवेंद्र फडणवीस, चित्रा वाघ आणि भाजपनं त्यांच्या राजीनाम्याची मागणी केली होती.
दरम्यान, आता पुजा चव्हाण च्या मृत्युला कारणीभूत असणाऱ्या माजी मंत्री संजय राठोडला पुन्हा मंत्रीपद दिलं जाणं हे अत्यंत दुदैवी आहे संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूचं ठेवलेला आहे माझा न्याय देवतेवर विश्वास लडेंगे….जितेंगे, असं ट्विट चित्रा वाघ यांनी केलं आहे.
पुजा चव्हाण च्या मृत्युला कारणीभूत असणार्या माजी मंत्री संजय राठोड ला पुन्हा मंत्रीपद दिलं जाणं हे अत्यंत दुदैवी आहे
संजय राठोड जरी पुन्हा मंत्री झालेला असला तरीही त्याच्या विरुद्धचा माझा लढा मी सुरूचं ठेवलेला आहे
माझा न्याय देवतेवर विश्वास
लडेंगे….जितेंगे 👍 @CMOMaharashtra— Chitra Kishor Wagh (@ChitraKWagh) August 9, 2022