अर्जुन तेंडुलकर 2 वर्षांपासून पदार्पणाची वाट पाहत आहे, आता शेवटच्या सामन्यात पूर्ण होणार स्वप्न!
मुंबई – नवीन संघांनी आयपीएल 2022 मध्ये चमकदार कामगिरी केली असताना, पाच वेळा विजेत्या मुंबई इंडियन्सने खराब कामगिरी केली. लीगच्या 15 व्या हंगामात मुंबई इंडियन्स संघाने आतापर्यंत 13 पैकी 10 सामने गमावले आहेत. मुंबईने केवळ 3 सामने जिंकले आहेत. MI ला आता 21 मे रोजी दिल्ली कॅपिटल्स विरुद्ध IPL 2022 मध्ये शेवटचा लीग सामना खेळायचा आहे. या सामन्यात काही युवा खेळाडूंचा समावेश प्लेइंग 11 मध्ये होऊ शकतो. 2 वर्षांपासून पदार्पणाची वाट पाहणारा अर्जुन तेंडुलकरही या सामन्यात खेळताना दिसणार आहे.
मंगळवारी सनरायझर्स हैदराबादविरुद्धच्या नाणेफेकीनंतर रोहित शर्माने अर्जुनच्या पदार्पणाबाबत मोठे संकेत दिले. अशा स्थितीत अर्जुन दिल्लीविरुद्ध डेब्यू करू शकतो का, अशी अटकळ बांधली जात आहे. नाणेफेकीनंतर झालेल्या संभाषणात मुंबईचा कर्णधार रोहित म्हणाला की, प्लेऑफमध्ये बाहेर पडल्यानंतर आता आम्ही सातत्याने युवा खेळाडूंना संधी देत आहोत. हे आम्हाला पुढील हंगामात मदत करेल आणि आम्ही त्यांची चाचणी देखील करू शकतो.
IPL 2021 मध्ये मुंबईने अर्जुन तेंडुलकरला 20 लाख रुपयांना खरेदी केले होते. 14व्या मोसमात त्याला एकही सामना खेळण्याची संधी मिळाली नाही. यानंतर मुंबईने त्याला या मोसमापूर्वी सोडले होते. आयपीएल 2022 च्या आधी झालेल्या मेगा लिलावात मुंबईने अर्जुनला 30 लाख रुपयांना विकत घेतले. या मोसमातही त्याला एकही सामना खेळण्याची संधी मिळालेली नाही. मुंबई आता प्लेऑफमधून बाहेर पडल्याने अखेरच्या साखळी सामन्यात अर्जुनला संधी दिली जाऊ शकते.