Virat Kohli | विराट कोहलीवर बीसीसीआयची कडक कारवाई, पंचांशी वाद घालणं महागात पडलं
कोलकाता नाईट रायडर्स (KKR) विरुद्धच्या सामन्यादरम्यान रॉयल चॅलेंजर्स बंगळुरू (RCB)चा फलंदाज विराट कोहलीला ( Virat Kohli) पंचांशी वाद घालणे महागात पडले. आयपीएलच्या आचारसंहितेचे उल्लंघन केल्याबद्दल कोहलीला त्याच्या मॅच फीच्या 50 टक्के दंड ठोठावण्यात आला आहे. रविवारी ईडन गार्डन्सवर झालेल्या सामन्यात केकेआरने आरसीबीचा एका धावेने पराभव केला. आयपीएल 2024 च्या मोसमातील आठ सामन्यांमधला हा आरसीबीचा सातवा पराभव होता.
कोहली (Virat Kohli) आऊट झाल्यावर वाद झाला होता
केकेआर आणि आरसीबी यांच्यातील सामन्यादरम्यान कोहलीला बाद दिल्याने वाद निर्माण झाला होता आणि कोहलीने तिसऱ्या पंचाच्या निर्णयावर नाराजी व्यक्त केली होती. या सामन्यात केकेआरने आरसीबीसमोर विजयासाठी 223 धावांचे लक्ष्य ठेवले होते. प्रत्युत्तरात विराट कोहली आणि फाफ डुप्लेसिस क्रीझवर आले आणि दोन्ही फलंदाजांनी संघाला वेगवान सुरुवात करून दिली, मात्र तिसऱ्याच षटकात हर्षित राणाच्या चेंडूवर कोहलीने आपली विकेट गमावली. कोहलीने रिव्ह्यू घेतला, पण अंपायरने त्याला बाद घोषित केले. तिसरे षटक टाकण्यासाठी आलेल्या हर्षितने पहिल्याच चेंडूवर ऑफ स्टंपच्या कमरेवर फुल टॉस टाकून कोहलीला चकित केले. कोहलीला चेंडू बाजूला वळवायचा होता, पण त्याने आधी बॅट वळवली आणि चेंडू आतल्या बाजूला जाऊन थेट हर्षितच्या हातात गेला. कोहलीने लगेच डीआरएस घेतला. कोहलीचा असा विश्वास होता की चेंडू कमरेच्या वर आला आहे आणि त्याला नो बॉल म्हणायला हवे. टीव्ही अंपायरने हॉक आय सिस्टीमचा वापर केला होता आणि त्यांच्या म्हणण्यानुसार कोहलीला आऊट देण्यात आले कारण तो क्रीजच्या पलीकडे गेला होता, पण तिसऱ्या पंचाच्या निर्णयाने कोहली निराश झाला होता.
कोहलीने दंड स्वीकारला
“आरसीबीचा फलंदाज विराट कोहलीला ईडन गार्डन्सवर केकेआरविरुद्धच्या सामन्यादरम्यान आयपीएलच्या आचारसंहितेचा भंग केल्याबद्दल त्याच्या मॅच फीच्या 50 टक्के दंड ठोठावण्यात आला आहे,” आयपीएलने एका निवेदनात म्हटले आहे. कोहलीने आयपीएल आचारसंहितेच्या कलम 2.8 नुसार लेव्हल-1 चा गुन्हा केला आहे. त्याने आपल्यावरील आरोप आणि मॅच रेफरीने ठोठावलेला दंड मान्य केला.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
एका रुग्णावर अनेक शस्त्रक्रिया झाल्या, हा आरोप धादांत खोटा; राणा जगजितसिंहांचे ओमराजेंना प्रत्युत्तर