#BoycottHyundai : ट्विटरवर #BoycottHyundai का ट्रेंड होत आहे ?
नवी दिल्ली – तुम्ही Twitter जर पाहिले असेल तर तुम्ही #BoycottHyundai हा hashtag ट्रेंड करत आहे. पण तुम्हाला माहीत आहे का, या दक्षिण कोरियाच्या कार कंपनीवर बहिष्कार टाकण्याची चर्चा का झाली आहे. ह्युंदाई पाकिस्तानच्या एका ट्विटने वादाच्या या संपूर्ण प्रकरणाची सुरुवात झाली होती.
Hyundai पाकिस्तानने ५ फेब्रुवारी रोजी एक ट्विट केले होते. त्यात ते म्हणाले की, काश्मीरला स्वातंत्र्य मिळवून देण्यासाठी शहीद झालेल्या बांधवांचे स्मरण करून ते त्यांच्या पाठिशी उभे आहेत कारण स्वातंत्र्यलढा अजूनही सुरू आहे.
पाकिस्तान ५ फेब्रुवारी हा काश्मीर एकता दिवस (काश्मीर एकता दिवस) म्हणून साजरा करतो. अशा परिस्थितीत ह्युंदाई काश्मीरच्या दहशतवाद्यांना पाठिंबा देऊन अडचणीत आली आहे. या ट्विटविरोधात आवाज उठताच ह्युंदाई पाकिस्तानने आपले ट्विट डिलीट केले. पण हे ट्विट लक्षात येताच भारतात #BoycottHyundai चा ट्रेंड जोरात चालला आहे. यानंतर Hyundai India ने देखील लोकांचा राग शांत करण्यासाठी औपचारिक निवेदन जारी केले आहे. मात्र तरीही देशप्रेमी भारतीय नागरिक Hyundai वर आगपाखड करत आहेत.