Chandrakant Patil | “नमो चषक” स्पर्धांमुळे विविध क्रीडाप्रकारांना व स्थानिक खेळाडूंना वाव
Chandrakant Patil : युवा आणि स्थानिक खेळाडूंना प्रोत्साहन देण्यासाठी नमो चषक (Namo Chasak) ही संकल्पना अत्यन्त उपयुक्त ठरत असून ह्या माध्यमातून विविध क्रीडा प्रकारांना आणि तो खेळ खेळणाऱ्या सर्वांना आपले खेळातील कौशल्य दाखविण्याची संधी मिळत आहे असे चंद्रकांत पाटील (Chandrakant Patil) म्हणाले. कोथरूड मतदारसंघात बॉक्स क्रिकेट सह व्हॉलिबॉल, सायकल, मल्लखांब, वॉकेथॉन, स्केटिंग, सह विविध स्पर्धा पार पडल्या आणि अजूनही काही स्पर्धा पुढील पंधरवड्यात पार पडणार आहेत असेही त्यांनी सांगितले. कॅरम स्पर्धा अत्यन्त उत्साहात पार पडल्याचे संयोजक आणि भाजप चे पुणे शहर युवा मोर्चा च्या क्रीडा आघाडीचे प्रमुख प्रतीक खर्डेकर (Pratik Khardekar) यांनी सांगितले.
कॅरम स्पर्धाचे उदघाटन कोथरूड मंडल ( दक्षिण ) अध्यक्ष डॉ. संदीप बुटाला (Sandeep Butala), कोथरूड उत्तर चे अध्यक्ष सचिन पाषाणकर, कोथरूड मंडल सरचिटणीस आणि महिला मोर्चा प्रभारी मंजुश्री खर्डेकर (Manjushree Khardekar), माजी नगरसेवक जयंत भावे यांच्या हस्ते पार पडले. यावेळी मुख्य अतिथी म्हणून कॅरम चे राष्ट्रीय खेळाडू शिवछत्रपती अवार्ड विजेते अनिल मुंडे आणि भाजपा चे प्रदेश प्रवक्ता संदीप खर्डेकर उपस्थित होते. तसेच मंडल सरचिटणीस दीपक पवार,बाळासाहेब धनवे, वैभव जमदाडे, श्रीकांत गावडे,युवा मोर्चा अध्यक्ष अमित तोरडमल, महिला मोर्चा उपाध्यक्ष कल्याणी खर्डेकर उपस्थित होते.
दिवसभर रंगलेल्या ह्या स्पर्धेत….
खुल्या गटात प्रथम क्रमांक किशोर भोंडवे यांनी तर द्वितीय क्रमांक साई डोंगरे आणि तृतीय क्रमांक चरण खुडे यांनी पटकावले.
ज्येष्ठ नागरिकांच्या स्पर्धेत राजाभाऊ ठाकूर विजेते तर पंकज कुलकर्णी उपविजेते ठरले.महिलांच्या गटात शुभदा गोडबोले विजेत्या तर लता भावे उपविजेत्या ठरल्या. स्पर्धा यशस्वी करण्यासाठी भाजयुमो क्रीडा आघाडी चे पदाधिकारी अनिश अग्रवाल,चैतन्य इनामदार, ओंकार कुडले , प्रणव वडनेरकर यांनी विशेष परिश्रम घेतले. प्रतीक खर्डेकर यांनी संयोजन व सूत्रसंचालन केले. पुढील आठवड्यात शिवकालीन कला स्पर्धा ( लाठी काठी ) तसेच शरीर सौष्ठव स्पर्धा आयोजित करत असल्याचे ही प्रतीक खर्डेकर यांनी जाहीर केले.
महत्वाच्या बातम्या :
अशोक चव्हाणांनी राजीनामा देताच Ramdas Athawale यांची मोठी ऑफर; म्हणाले, रिपल्बिकन पक्षात…
“कोणाबद्दल मी तक्रार करणार…”, आमदारकीच्या राजीनाम्यानंतर अशोक चव्हाण यांची प्रतिक्रिया