डार्क सर्कलच्या समस्येवर उपाय हवाय? ‘ही’ 5 फळे आणि भाज्यांचा आहारात करा समावेश

By Shweta Chidmalwad Last updated Oct 3, 2023

Dark Circles Under The Eyes: त्वचा कितीही सुंदर असली तरी डोळ्यांखाली डार्क सर्कल्स असतील तर संपूर्ण लुकच बिघडतो. डार्क सर्कल्स मेकअपने काही प्रमाणात लपवले जाऊ शकते, परंतु मेकअप हा कायमस्वरूपी उपाय नाही. आजकाल अनेक लोक डोळ्यांखाली डार्क सर्कल्सच्या समस्येने त्रस्त असतात. विशेषत: झोप न लागणे, सतत थकवा येणे आणि पौष्टिक आहाराचा अभाव यामुळे ही समस्या उद्भवते. तुमच्या व्यस्त जीवनात तुम्ही स्वतःला कसे सुंदर ठेवू शकता आणि डोळ्यांखालील काळी वर्तुळे कशी दूर करू शकता? याबद्दल सांगणार आहोत.

डोळ्यांखाली डार्क सकर्ल्स येण्याची कारणे:
झोपेचा अभाव
मानसिक ताण
शरीरात पोषक तत्वांचा अभाव
संगणकावर दीर्घकाळ काम करणे

टरबूज
टरबूज हे असे फळ आहे जे जवळजवळ प्रत्येकालाच खायला आवडते, ज्याचा आहारात समावेश करून काळ्या वर्तुळांपासून मुक्ती मिळवता येते. टरबूजमध्ये व्हिटॅमिन सी, व्हिटॅमिन बी1, बी6, पोटॅशियम आणि मॅग्नेशियम सारखे गुणधर्म आढळतात. याच्या सेवनाने डोळ्यांखालील काळी वर्तुळे कमी होतात.

टोमॅटो
तुम्ही रोज 1 ते 2 टोमॅटो खाऊ शकता. टोमॅटोमध्ये लाइकोपीन, व्हिटॅमिन सी आणि बीटा कॅरोटीन सारखे पोषक घटक आढळतात. तुमच्या आहारात याचा समावेश करून तुम्ही काळ्या वर्तुळाच्या समस्येवर मात करू शकता.

काकडी
काकडी डोळ्यांवर ठेवल्याने काळी वर्तुळे दूर होतात, पण जर तुम्ही त्याचा आहारात समावेश केलात तर तुम्हालाही त्याचा फायदा होईल. शरीराला हायड्रेट ठेवण्यासोबतच काळी वर्तुळे दूर करण्यातही हे उपयुक्त आहे.

ब्लूबेरी
तुम्ही तुमच्या आहारात ब्लूबेरीचा समावेश करू शकता. हे व्हिटॅमिन सी, ओमेगा -3, व्हिटॅमिन के आणि मॅंगनीजचा चांगला स्रोत मानला जातो. काळी वर्तुळे कमी करण्यासाठी हे उपयुक्त ठरू शकते.

हिरव्या भाज्या
हिरव्या पालेभाज्या आरोग्यासाठी खूप फायदेशीर असतात, त्यासोबतच काळी वर्तुळे दूर करण्यातही गुणकारी असतात.