Hardik Pandya | आतातरी देवा मला पाव..! हार्दिक पांड्या पोहोचला देवाच्या दारी, सोमनाथ मंदिरात केला जलाभिषेक

Hardik Pandya | मुंबई इंडियन्सच्या कर्णधारपदी चांगली कामगिरी करू शकत नसलेला हार्दिक पांड्या शुक्रवारी गुजरातमधील प्रभास पाटण येथील सोमनाथ मंदिरात पूजा करण्यासाठी पोहोचला. हार्दिकचा प्रसिद्ध मंदिरात पूजा करतानाचा व्हिडिओ सोमनाथ मंदिर ट्रस्टने शेअर केला आहे. 1 एप्रिल रोजी राजस्थान रॉयल्सकडून पराभूत झाल्यानंतर हार्दिकच्या मुंबई इंडियन्सला लहान ब्रेक मिळाला आहे. त्यांचा पुढील सामना 7 एप्रिल रोजी दिल्ली कॅपिटल्सविरुद्ध होणार आहे.

व्हिडिओमध्ये हार्दिक शिवलिंगावर जलाभिषेक करताना दिसत आहे. हार्दिकच्या (Hardik Pandya) आधीही अनेक क्रिकेटपटू देवाच्या आश्रयाला पोहोचले आहेत. विराट कोहली, सूर्यकुमार यादव हे अनेकदा मंदिरात दिसले आहे.

Hardik Pandya offers prayers at Somnath Temple. 🙏pic.twitter.com/hZNIVQ3MH3

— Johns. (@CricCrazyJohns) April 5, 2024

वानखेडेवर मुंबई विरुद्ध दिल्ली सामना 7 एप्रिलला आहे. राजस्थान आणि दिल्ली विरुद्धच्या सामन्यांच्या विश्रांतीदरम्यान पंड्याने मंदिरात दर्शन घेतले. हार्दिकला अलीकडच्या काळात खूप टीकेला सामोरे जावे लागले आहे. मुंबईचे कर्णधारपद स्वीकारल्यानंतर त्याच्यावर चाहत्यांकडून खूप घृणास्पद प्रतिक्रिया येत आहेत. रोहितने पुन्हा कर्णधारपद स्वीकारावे अशी लोकांची इच्छा आहे. सामन्यादरम्यान, चाहते स्टेडियममध्ये हार्दिकला शिव्या घालताना दिसत आहेत. सलग तीन पराभवानंतर हार्दिकच्या टीकाकारांची संख्या वाढली आहे. मात्र, क्रिकेट जगतातील काही माजी दिग्गजांनीही हार्दिकला पाठिंबा दिला आहे.

अनुभवी अष्टपैलू खेळाडूला आयपीएल 2024 च्या आधी मुंबईने ट्रेड केला होता आणि नंतर रोहित शर्माच्या जागी त्याला कर्णधार बनवण्यात आले होते. मुंबईचा कर्णधार म्हणून रोहितने पाच आयपीएल विजेतेपदे जिंकल्यामुळे कर्णधारपदातील बदल मुंबईच्या चाहत्यांसाठी चांगला गेला नाही. सध्याच्या स्पर्धेत एकही सामना जिंकू न शकलेला मुंबई संघ हा आयपीएलचा एकमेव संघ आहे.

पंड्याने 2015 मध्ये मुंबई इंडियन्सकडून आयपीएलमध्ये पदार्पण केले आणि मुंबई सोडल्यानंतर गुजरात टायटन्समध्ये सामील होण्यापूर्वी तो 2021 पर्यंत संघात होता. त्याने गुजरातचा कर्णधार म्हणून पहिल्या सत्रात आयपीएलचे जेतेपद पटकावले जे आयपीएलमधील फ्रँचायझीचे पहिले सत्र होते. 2023 मध्येही त्याच्या नेतृत्वाखाली संघ अंतिम फेरीत पोहोचला होता. यानंतर हार्दिकने गुजरात सोडून मुंबईला जाण्याचा निर्णय घेतला.

आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप

महत्वाच्या बातम्या :

Murlidhar Mohol | आम्हाला पडणारं मतदान निश्चित आहे; मोहोळांबाबत धीरज घाटेंनी व्यक्त केला विश्वास

Shirur LokSabha 2024 | शिरूर लोकसभा मतदारसंघात कुणाचे पारडे जड? राजकीय गणितं काय ?

लोकसभा निवडणुकीसाठी भाजपाचे ‘बूथ विजय अभियान’, प्रत्येक बुथवर ३७० मते वाढविण्याचा निर्धार