विषारी किड्याने फक्त स्पर्श केला, हार्ट अटॅक आला अन् अभिनेता थेट आयसीयूत
Jamie Dornan Hospitalised: ‘फिफ्टी शेड्स ऑफ ग्रे’ (Fifty Shades Of Grey) या हॉलिवूड चित्रपटातून जगभरात प्रसिद्धी मिळवणारा अभिनेता जेमी डोर्नन (Jamie Dornan) त्याच्या प्रकृतीबाबत चर्चेत आहे. पोर्तुगालच्या प्रवासादरम्यान जेमीला एका विषारी कीटकाचा स्पर्श झाल्याने त्याला रुग्णालयात दाखल करावे लागले. या किटकामुळे जेमीला हृदयविकाराचा झटका (Heart Attack) येऊ लागला. त्याची प्रकृती खालावल्यानंतर त्याला तातडीने रुग्णालयात दाखल करण्यात आले. जेमी डोर्ननचा मित्र गॉर्डन स्मार्टने ही माहिती दिली आहे. स्मार्टलाही हाच त्रास होता, त्यामुळे त्यालाही रुग्णालयात दाखल करण्यात आले.
जेमी आणि त्याच्या मित्राची प्रकृती बिघडली
गॉर्डन स्मार्ट याने बीबीसीच्या द गुड, द बॅड आणि अनपेक्षित पॉडकास्टमध्ये याबद्दल माहिती दिली. त्याने सांगितले की दोघेही पोर्तुगालमधील गोल्फ रिसॉर्टमध्ये सुट्टी घालवत होते. जेव्हा त्याला सुरुवातीला विचित्र वाटू लागले तेव्हा जेमी आणि गॉर्डनला वाटले की त्यांनी खूप ड्रिंक घेतल्याने असे वाटत असावे. मात्र, नंतर त्यांना समजले की, विषारी किडा चावल्यामुळे त्यांच्यासोबत हे सर्व होत आहे.
स्मार्टने सांगितले की त्यांच्या ट्रिपच्या एका दिवसानंतरच तो अडचणीत आला. त्याने सांगितले की त्याला डाव्या हाताला मुंग्या येऊ लागल्या. अशा स्थितीत त्याला हृदयविकाराचा झटका आल्याचे समजले. तो म्हणाला, ‘मी खूप निरोगी व्यक्ती आहे, पण एकदा का तुम्हाला हृदयविकाराचा झटका आलाय, मग ती गोष्ट तुमच्या मनात दाटून येते आणि तुमचा स्वतःवर विश्वास बसू लागतो की हेच घडत आहे.’
गॉर्डन स्मार्टला तात्काळ रुग्णालयात नेण्यात आले आणि नंतर डिस्चार्ज देण्यात आला. हॉटेलमध्ये परतल्यावर जेमी डोर्ननलाही तिच लक्षणे जाणवू लागली. याबाबत स्मार्टने सांगितले की, ‘जेमीने मला सांगितले की तू गेल्यानंतर 20 मिनिटांनी माझा डावा पाय आणि हात बधीर झाला, माझा उजवा पायही बधीर झाला आणि काही वेळाने मी रुग्णवाहिकेत होतो.’
डॉक्टरांनी समस्येचे कारण सांगितले
डॉक्टरांनी पुढच्या आठवड्यात गॉर्डन स्मार्टला फोन केला आणि त्याला विषारी सुरवंटामुळे हा सर्व त्रास झाल्याचे सांगितले. याबद्दल ते म्हणाले की, दक्षिण पोर्तुगालमधील गोल्ड कोर्सवर सुरवंट आहेत, ज्यामुळे लोकांचे कुत्रे मरत आहेत आणि 40 वर्षांच्या लोकांना हृदयविकाराचा झटका येत आहे. नंतर आम्हाला हे देखील कळले की आम्ही काही hairy processionary caterpillars ना स्पर्श केला होता. आम्ही वाचलो हे आमचे नशीब आहे. चांगली बातमी अशी आहे की हे सर्वकाही कॅफिन किंवा हँगओव्हरमुळे झाले नव्हते.
41 वर्षीय जेमी डोर्नन फिफ्टी शेड्स फिल्म फ्रँचायझीसाठी ओळखला जातो. तो शेवटचा नेटफ्लिक्स चित्रपट ‘हार्ट ऑफ स्टोन’ मध्ये दिसला होता. यात त्याच्यासोबत आलिया भट्ट आणि गाल गडोत यांनी काम केले होते. ‘द टुरिस्ट’ या टीव्ही ड्रामा मालिकेतही तो दिसला आहे.
महत्वाच्या बातम्या-
मनोज जरांगे पाटील मनुवादी, मनुवादी लोकांना आरक्षण देऊ नये; लक्ष्मण माने यांचे वक्तव्य
मनोज जरांगे पाटील यांचे रिपब्लिकन पक्षाच्या वतीने भव्य स्वागत
शरद पवारांच्या छत्रछायेखाली मोठे झालात आणि आज उलट्या तांगड्या करताय, मानेंची टीका