सोन्याचा भाव दोन महिन्यांच्या उच्चांकावर पोहोचला, चांदीही 307 रुपयांनी वधारली

मुंबई :डॉलरच्या तुलनेत रुपयाच्या घसरणीमुळे राष्ट्रीय राजधानीत मंगळवारी सोन्याचा दर (Gold Rate)65 रुपयांनी वाढून 52,050 रुपये प्रति 10 ग्रॅम झाला. सोन्याचा हा दोन महिन्यांतील उच्चांक आहे. तज्ज्ञांच्या मते, पिवळ्या धातूच्या वाढीमागे रुपयाची कमजोरी हे एक प्रमुख कारण होते. मंगळवारी सुरुवातीच्या व्यवहारात डॉलरच्या तुलनेत रुपया नऊ पैशांनी घसरला होता. भारतातून परकीय निधी काढून घेतल्याने रुपयावर दबाव आला.

गेल्या ट्रेडिंग सत्रात सोन्याचा भाव 51,985 रुपये प्रति 10 ग्रॅमवर बंद झाला होता. आज त्याने 52 हजारांची निर्णायक पातळी ओलांडली आहे. सोन्याप्रमाणेच चांदीमध्येही मजबूत कल दिसून आला. चांदीचा भाव 307 रुपयांनी वाढून 58,358 रुपये किलो झाला. आदल्या व्यवहाराच्या दिवशी चांदीचा भाव 58,051 रुपये प्रति किलो होता. आंतरराष्ट्रीय बाजारात सोन्याचा भाव किंचित कमजोरीसह $1,803 प्रति औंसवर होता, तर चांदीचा भाव $19.94 प्रति औंस होता.

एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल (Tapan Patel) म्हणाले, आंतरराष्ट्रीय स्तरावर सोन्याचा भाव घसरला आणि अमेरिकन फेडरल रिझर्व्हकडून मोठ्या दरात वाढ होण्याची भीती आहे. दुसरीकडे, फ्यूचर्स मार्केटमध्ये मंगळवारी सोन्याचा भाव 98 रुपयांनी वाढून 52,220 रुपये प्रति 10 ग्रॅम झाला कारण सट्टेबाजांनी मजबूत स्पॉट मागणीवर नवीन पोझिशन तयार केली. मल्टी कमोडिटी एक्सचेंजमध्ये ऑगस्टमधील डिलिव्हरीसाठी सोन्याचा भाव 98 रुपये किंवा 0.19 टक्क्यांनी वाढून 52,220 रुपये प्रति 10 ग्रॅम झाला. त्याची 10,978 लॉटची व्यवसाय उलाढाल झाली. बाजार विश्लेषकांनी सांगितले की, सहभागींनी नवीन पोझिशनमध्ये खरेदी केल्यामुळे सोन्याच्या फ्युचर्सच्या किमती वाढल्या.