Leopard Attack: माजी महान क्रिकेटरवर बिबट्याने केला हल्ला, कुत्र्यामुळे थोडक्यात वाचला जीव
Leopard Attack | झिम्बाब्वेचा माजी क्रिकेटपटू गाय व्हिटलवर (Guy Whittle) बिबट्याने हल्ला केला होता. या हल्ल्यात गाय व्हिटल गंभीर जखमी झाला. मात्र, कसा तरी गाय व्हिटलचा जीव वाचला. गाय व्हिटलच्या पत्नीने हा फोटो सोशल मीडियावर शेअर केला आहे. तसेच आपल्या पाळीव कुत्र्याच्या मदतीने गाय व्हिटलने त्याचा जीव वाचवण्यात यश मिळवले असल्याचेही सांगितले. याआधी सप्टेंबर 2013 मध्ये गाय व्हिटलच्या पलंगाखाली 8 फूट लांब मगर आली होती, तो ज्या पलंगावर झोपला होता त्याच पलंगाखाली ही मगर रात्रभर पडून होती. मात्र, आता गाय व्हिटलचा जीव बिबट्याच्या जबड्यातून थोडक्यात बचावला आहे.
रक्ताने भिजलेल्या व्हिटलचा फोटो सोशल मीडियावर व्हायरल
गाय व्हिटलच्या (Guy Whittle) पत्नीने हा फोटो सोशल मीडियावर शेअर केला आहे. या फोटोमध्ये गाय व्हिटल हॉस्पिटलमध्ये बेडवर पडलेले दिसत आहे. तसेच संपूर्ण शरीर रक्ताने माखलेले दिसत आहे. गाय व्हिटलची पत्नी हन्ना स्टोक्स हिने पोस्टद्वारे सांगितले की, बिबट्याने हल्ला केला, पण कसा तरी त्याचा जीव वाचवण्यात यश आले. मीडिया रिपोर्ट्सनुसार, गाय व्हिटल ट्रेकिंगवर होता, मात्र याचदरम्यान त्याच्यावर बिबट्याने हल्ला केला. मात्र, रक्ताने भिजलेल्या गाय व्हिटलचा फोटो सोशल मीडियावर मोठ्या प्रमाणात व्हायरल होत आहे. सोशल मीडिया वापरकर्ते गाय व्हिटलच्या लवकरात लवकर बरे होण्यासाठी सतत शुभेच्छा देत आहेत.
Former Zimbabwean star all-rounder Guy Whittal survives leopard attack.
In 2021, he had a shock of his life as he spent whole night just inches away from a giant 8-foot crocodile, hiding under his bed.
Wishing legend a quick recovery 🙏.
Image & news courtesy – @crimewatchzw pic.twitter.com/f3FgUR1oOQ
— Udit (@UditKhar) April 24, 2024
गाय व्हिटलची आंतरराष्ट्रीय कारकीर्द अशी होती
गाय व्हिटलने झिम्बाब्वेसाठी 1993 मध्ये पदार्पण केले होते, तर 2003 मध्ये तो शेवटचा आंतरराष्ट्रीय सामना खेळला होता. 46 कसोटी सामन्यांव्यतिरिक्त या खेळाडूने 147 एकदिवसीय सामन्यांमध्ये आपल्या देशाचे प्रतिनिधित्व केले. गाय व्हिटलच्या नावावर कसोटी फॉरमॅटमध्ये द्विशतक आहे. या फलंदाजाने कसोटीत 2207 धावा केल्या, तर गाय व्हिटलच्या नावावर एकदिवसीय प्रकारात 2705 धावा आहेत. गाय व्हिटलने कसोटी फॉर्मेटमध्ये 4 वेळा शतकाचा टप्पा ओलांडला. एकदिवसीय सामन्यांमध्ये शतक झळकावण्यात तो अपयशी ठरला असताना त्याने 11 वेळा अर्धशतकांचा टप्पा ओलांडला.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :
Jay Pawar | संसदरत्न फार मोठा पुरस्कार नाही; जय पवार यांची पहिल्यांदाच सुप्रिया सुळेंवर थेट टीका