इंग्लंडविरुद्धच्या महत्त्वपूर्ण सामन्यापूर्वी भारतासाठी चिंता वाढवणारी बातमी, हार्दिकच्या फिटनेसबद्दल मोठी अपडेट

By Shweta Chidmalwad On Oct 25, 2023

Hardik Pandya Injury Update: २०२३ च्या विश्वचषक स्पर्धेत भारतीय संघाने (Team India) आतापर्यंत चमकदार कामगिरी केली आहे. रोहित शर्माच्या (Rohit Sharma) नेतृत्वाखालील भारतीय संघाने आतापर्यंतचे पाचही सामने जिंकले आहेत आणि गुणतालिकेत पहिल्या क्रमांकावर आहे. भारतीय संघ रविवारी लखनौच्या एकना स्टेडियमवर गतविजेत्या इंग्लंडविरुद्ध (INDvsENG) आपला पुढचा सामना खेळणार आहे.

टीम इंडिया आपला विजयरथ अबाधित ठेवण्यासाठी प्रयत्नशील असेल आणि स्पर्धेत सलग सहावा विजय नोंदवेल. भारतीय संघाचा पुढील सामना निःसंशयपणे महत्त्वाचा आहे आणि त्याआधी स्टार अष्टपैलू हार्दिक पंड्याच्या फिटनेसबाबत (Hardik Pandya Fitness) एक मोठे अपडेट मिळाले आहे. हार्दिक पांड्याला इंग्लंडविरुद्धचा सामना खेळणे अशक्य असल्याचे जाणून चाहत्यांची निराशा होईल.

हार्दिक कसा जखमी झाला?
गेल्या आठवड्यात बांगलादेशविरुद्ध पुण्यात झालेल्या सामन्यात हार्दिक पांड्याला डाव्या पायाच्या घोट्याला दुखापत झाली होती. हार्दिक पांड्या गोलंदाजी करत होता आणि फलंदाजाने त्याच्या दिशेने फटकेबाजी केली. यावेळी चेंडू लागल्याने हार्दिक पांड्या जखमी झाला. यानंतर बीसीसीआयने अपडेट केले होते की, हार्दिक पांड्या न्यूझीलंडविरुद्ध संघाबाहेर पडणार आहे.

हार्दिक पंड्या कुठे आहे?
हार्दिक पांड्या सध्या बेंगळुरू येथील एनसीएमध्ये पुनर्वसनाखाली आहे. त्याच्यावर तज्ज्ञ डॉक्टरांच्या देखरेखीखाली उपचार सुरू आहेत. भारतीय संघ व्यवस्थापन हार्दिक पांड्याच्या पुनरागमनाची घाई करू इच्छित नाही आणि म्हणूनच त्याला पूर्णपणे सावरण्यासाठी वेळ देत आहे.

https://youtu.be/_O7XOEdnngI?si=dWo8PCZVDaXHz5wr