पुढील 3 दिवस या राज्यांमध्ये मुसळधार पाऊस पडणार, IMD ने जारी केला इशारा
Weather Update: पुढील तीन दिवसांत पश्चिम मध्य प्रदेश, महाराष्ट्र आणि गुजरातमध्ये मुसळधार पावसाचा अंदाज हवामान खात्याने वर्तवला आहे. देशाच्या पूर्व भागात मेघगर्जनेसह हलका पाऊस पडू शकतो. यासोबतच आयएमडीने सांगितले की, ओडिशा आणि झारखंडमध्ये हे हवामान गुरुवार आणि शुक्रवारी कायम राहण्याची शक्यता आहे.
भारतीय हवामानशास्त्र विभागाने (IMD) गुरुवारी सांगितले की, उत्तर द्वीपकल्प आणि लगतच्या भागात पुढील 3-4 दिवस मान्सूनची स्थिती कायम राहण्याची शक्यता आहे. दरम्यान, ओडिशात गुरुवारी मुसळधार पाऊस पडू शकतो.
दक्षिण भारतात हलक्या ते मध्यम पावसाचा अंदाज वर्तवण्यात आला आहे. आयएमडीने म्हटले आहे की गुरुवारी किनारपट्टी आंध्र प्रदेश, यानम, तेलंगणा आणि उत्तर कर्नाटकमध्ये अशी परिस्थिती दिसून येईल. तर, कर्नाटक किनारपट्टीवर शुक्रवार ते 10 सप्टेंबर दरम्यान हलक्या ते मध्यम पावसासह अशी परिस्थिती दिसून येईल. तामिळनाडू, पुद्दुचेरी, कराईकल, केरळ आणि माहेच्या घाट भागात गुरुवार ते 11 सप्टेंबरपर्यंत अशा परिस्थितीचा सामना करावा लागणार आहे.
मध्य भारताबद्दल बोलायचे तर या भागात हलका ते मध्यम, मुसळधार पाऊस आणि विजांचा कडकडाट होण्याची शक्यता आहे. गुरुवार ते शनिवार मध्य प्रदेशात, गुरुवार आणि शुक्रवारी विदर्भात असेच हवामान राहण्याची शक्यता आहे. IMD ने सांगितले की, गुरुवारी पश्चिम मध्य प्रदेशात आणि शुक्रवारी पूर्व मध्य प्रदेशात जोरदार पाऊस पडण्याची शक्यता आहे.
पश्चिम भारतातील परिस्थिती
पश्चिम भारतात हलका ते मध्यम, मुसळधार पाऊस, वादळ आणि विजांचा कडकडाट होण्याची शक्यता आहे. मराठवाड्यात गुरुवार आणि शुक्रवारी, कोकण आणि गोव्यात ११ सप्टेंबरपर्यंत आणि मध्य महाराष्ट्रात गुरुवार ते शनिवार असे हवामान राहण्याची शक्यता आहे. यासोबतच गुजरातच्या काही भागात शनिवारपर्यंत ही परिस्थिती जाणवण्याची शक्यता आहे. गुरुवार आणि शुक्रवारी कोकण आणि गोवा, मध्य महाराष्ट्र आणि गुजरातमध्ये जोरदार पावसाची शक्यता आहे.
उत्तर-पूर्व प्रदेश
IMD ने म्हटले आहे की आसाम, मेघालय, नागालँड, मणिपूर, मिझोराम आणि त्रिपुरामध्ये ११ सप्टेंबरपर्यंत मुसळधार पावसाची शक्यता आहे. अशी परिस्थिती रविवारी अरुणाचल प्रदेशात पाहायला मिळेल. ईशान्य भारतात हलका ते मध्यम रिमझिम पाऊस आणि मेघगर्जनेसह पावसाची अपेक्षा आहे. गुरुवार आणि शुक्रवारी उत्तर प्रदेश आणि पूर्व राजस्थानमध्ये मुसळधार पावसाची शक्यता आहे.
महत्त्वाच्या बातम्या-
Jalana Lathi Charge : देवेंद्र फडणवीसांनी गुन्हा केला म्हणून तर माफी मागितली :– नाना पटोले
‘तीन अडकून सीताराम’चा अनलिमिटेड धिंगाणा; चित्रपटाची उत्कंठा वाढवणारा टिझर प्रदर्शित
ओबीसींच्या आरक्षणाला धक्का न लावता मराठा समाजाला आरक्षण देणार – Eknath Shinde