IND Vs PAK: पाकिस्तानने प्लेइंग 11 मध्ये केली मोठी चूक, भारतीय फलंदाज कमकुवतपणाचा फायदा घेणार ?

By Shweta Chidmalwad On Sep 10, 2023

Asia Cup 2023: रविवारी खेळल्या जाणाऱ्या सामन्यात सर्वांचे लक्ष भारतीय फलंदाज आणि पाकिस्तानी वेगवान गोलंदाज यांच्यातील स्पर्धेकडे लागले आहे. पण टीम इंडियाला पाकिस्तानच्या सर्वात मोठ्या कमकुवतपणाचा फायदा उठवण्याची संधी आहे. पाकिस्तानने सामन्याच्या एक दिवस अगोदर आपला प्लेइंग 11 जाहीर (Pakistan Playing Xi) केला. पाकिस्तान एकच फिरकी गोलंदाज घेऊन मैदानात उतरत आहे. याचा फायदा भारतीय फलंदाज घेऊ शकतात.

या सामन्यात शाहीन आफ्रिदी, नसीम शाह आणि हारिस रौफ यांच्याशिवाय पाकिस्तानने फहीम अश्रफला संधी देण्याचा निर्णय घेतला आहे. पाकिस्तानचा मुख्य फिरकी गोलंदाज शादाब खान आहे. पाकिस्तानचे फिरकी आक्रमण कमकुवत असण्याचे सर्वात मोठे कारण म्हणजे शादाबचे फॉर्ममध्ये नसणे. शादाबने गेल्या 12 वनडेत केवळ 11 विकेट्स घेतल्या आहेत. इतकंच नाही तर नेपाळसारख्या कमकुवत संघाविरुद्ध यातील ४ बळी घेतले.

शादाब व्यतिरिक्त फिरकीची जबाबदारी अष्टपैलू आगा सलमान आणि इफ्तिखार अहमद यांच्या खांद्यावर असेल. या दोन्ही खेळाडूंना वनडेत गोलंदाजीचा फारसा अनुभव नाही. आगा सलमानने 17 एकदिवसीय सामन्यांमध्ये केवळ 4 विकेट घेतल्या आहेत. तर इफ्तिखारने 17 वनडेत 9 विकेट घेतल्या आहेत. कमी अनुभवामुळे, पाकिस्तानचे फिरकी आक्रमण हा कमकुवत दुवा आहे ज्याचा भारतीय फलंदाज पुरेपूर फायदा घेऊ शकतात.

फिरकीविरुद्ध भारतीय फलंदाजांनी नेहमीच चांगली कामगिरी केली आहे. रोहित शर्मा, शुभमन गिल, विराट कोहली, श्रेयस अय्यर आणि केएल राहुल हे तिघेही वेगवान गोलंदाजांपेक्षा फिरकीपटूंविरुद्ध चांगली कामगिरी करतात. हार्दिक पांड्या आणि रवींद्र जडेजा यांच्याकडेही फिरकीपटूंवर आक्रमण करण्याची क्षमता आहे. अशा स्थितीत रविवारी होणाऱ्या सामन्यात भारतीय फलंदाज पाकिस्तानच्या या कमकुवतपणाचा फायदा उठवण्याची चूक करणार नाहीत, अशी अपेक्षा केली जाऊ शकते.