कतरिना कैफ झाली वधू, केसात गजरा, हातात चुडा.., ‘मिसेस कौशल’ची पहिली झलक
जयपूर : अखेर बॉलीवूडच्या सर्वात लाडक्या कपलचं अर्थातच विकी कौशल आणि कतरिना कैफ यांचे लग्न झाले. सात फेरे घेऊन दोघांनी साताजन्माची गाठ बांधली. शोबिझच्या झगमगाटापासून दूर राजस्थानमधील सवाई माधोपूर येथील
सिक्स सेन्सेस फोर्टमध्ये त्यांचा शाही विवाह सोहळा पार पडला. वर्षातील सर्वात मोठ्या लग्नाला उपस्थित राहण्याची संधी फक्त काही पाहुण्यांनाच मिळाली. नवविवाहित जोडपे विकी-कतरिना यांच्या लग्नानंतर त्यांचे कुटुंब आनंदात मग्न झाले आहे.
राजस्थानमधील सवाई माधोपूर जिल्ह्यातील सिक्स सेन्स किल्ले बरवाडा येथे दोघांनी एकमेकांना पवित्र बंधनात बांधले आहे. दोघांचे लग्न पंजाबी रितीरिवाजांनुसार झाले होते. 9 डिसेंबर या तारखेला दोघ कायमचे एकमेकांचे झाले आहे.
अभिनेत्री कतरिनाने स्वतः तिच्या लग्नाचे फोटो सोशल मीडियावर शेअर केले आहेत. बऱ्याच दिवसांनंतर चाहत्यांची ही प्रतीक्षा संपली आहे. या खास प्रसंगी विकी कौशल पांढऱ्या शेरवानीमध्ये दिसला, ज्यामध्ये वर राजा खूपच छान दिसत आहे. त्यांचे हसणे त्यांच्या आनंदाचे स्पष्ट वर्णन करत आहे. तर त्याचवेळी ब्युटी क्वीन कतरिना कैफ लाल रंगाच्या लेहेंग्यात दिसली.
कतरिना कैफने तिच्या लग्नात सब्यसाची मुखर्जीचा लेहेंगा घातला होता, तर विकीनेही सब्यसाची मुखर्जीची शेरवानी घातली होती. केसात गजरा, हातात बांगड्या, नथ, मांग-टिकासह सर्व मेकअपमध्ये कतरिना छान दिसत आहे.कतरिनाने तिचा ब्राइडल लूक खूप खास ठेवला आहे, या लूकमध्ये कतरिना खऱ्या आयुष्यातील अप्सरासारखी दिसत आहे. खऱ्या आयुष्यात नवरी बनल्यावर कतरिनाच्या चेहऱ्यावर एक वेगळीच चमक आणि नूर पाहायला मिळतो.
विकी कौशल आणि कतरिना कैफच्या लग्नातील जयमालाच्या सोहळ्याचा एक व्हिडिओही समोर आला आहे, ज्यामध्ये दोघेही खूप सुंदर दिसत आहेत. या व्हिडिओमध्ये ते दोघेही जयमालासाठी राजवाडा स्टाईल मंडपाखाली उभे असताना आणि त्यांच्याभोवती फटाक्यांची आतषबाजी करताना दिसत आहे. यादरम्यान त्यांचे सर्व पाहुणे खाली उभे राहून त्यांना आशीर्वाद देताना दिसत आहेत. या व्हिडिओची सर्वात खास गोष्ट म्हणजे त्याचे पार्श्वसंगीत.