MS Dhoni | धोनीच्या 20 धावांपुढे फिके पडले रोहित शर्माचे शतक… माहीच्या 3 षटकारांनी हादरलं वानखेडे स्टेडियम
MS Dhoni 3 Sixes, Rohit Sharma Century | इंडियन प्रीमियर लीग (IPL) 2024 सीझनमध्ये, रविवारी (14 एप्रिल) चेन्नई सुपर किंग्स (CSK) आणि मुंबई इंडियन्स (MI) यांच्यात एक शानदार सामना खेळला गेला. या सामन्यात रोहित शर्माचे नाबाद शतक महेंद्रसिंग धोनीच्या 20 धावांपुढे फिके पडले. या सामन्यात धोनीने मैदानात प्रवेश करताच तुफानी पद्धतीने 3 षटकार ठोकले, ज्याने संपूर्ण वानखेडे स्टेडियम हादरले. धोनीने 4 चेंडूत नाबाद 20 धावा केल्या आणि या धावा सामन्यातील विजय-पराजय यातील फरक असल्याचे सिद्ध झाले. चेन्नईने मुंबईचा अवघ्या 20 धावांनी पराभव केला.
DO NOT MISS
MSD 🤝 Hat-trick of Sixes 🤝 Wankhede going berserk
Sit back & enjoy the LEGEND spreading joy & beyond 💛 😍
Watch the match LIVE on @JioCinema and @StarSportsIndia 💻📱#TATAIPL | #MIvCSK | @msdhoni | @ChennaiIPL pic.twitter.com/SuRErWrQTG
— IndianPremierLeague (@IPL) April 14, 2024
रोहितने 63 चेंडूत 105 धावांची नाबाद शतकी खेळी केली.
हा विजय देखील खास होता कारण या सामन्यात मुंबई इंडियन्सचा माजी कर्णधार रोहित शर्मा 63 चेंडूत 105 धावांची शतकी खेळी करत नाबाद राहिला, पण तो संघासाठी सामना जिंकू शकला नाही. रोहित दुसऱ्या टोकाला उभा राहून आपल्या संघाचा पराभव पाहत होता.
खरंतर ही गोष्ट चेन्नईच्या इनिंगपासून सुरू होते. या सामन्यात नाणेफेक गमावल्यानंतर प्रथम फलंदाजी करताना चेन्नई संघाने 19.2 षटकात 186 धावा केल्या. डावाचे फक्त 4 चेंडू बाकी होते आणि धोनी नवीन फलंदाज म्हणून क्रीझवर आला. हे शेवटचे षटक मुंबई संघाचा कर्णधार आणि वेगवान अष्टपैलू खेळाडू हार्दिक पांड्या टाकत होता.
धोनीच्या सलग 3 षटकारांनी वानखेडे स्टेडियम हादरले होते
धोनीने (MS Dhoni) मैदानात येताच सलग 3 षटकार मारून धावसंख्या 200 च्या पुढे नेली. त्यानंतर धोनीने शेवटच्या चेंडूवर 2 धावा घेतल्या. अशा प्रकारे माहीने आपल्या डावात 4 चेंडूत 20 धावा केल्या. हेच या सामन्यातील विजयाचे खरे अंतर ठरले, कारण मुंबईनेही 20 षटकांत 6 गडी गमावून 186 धावा केल्या.
I. C. Y. M. I
It was some knock!
It was some HUNDRED!
It was not to be tonight but Rohit Sharma – Take A Bow 🙌 🙌
Recap the match on @StarSportsIndia and @JioCinema 💻📱#TATAIPL | #MIvCSK | @ImRo45 | @mipaltan pic.twitter.com/ARFd3GmMuI
— IndianPremierLeague (@IPL) April 14, 2024
धोनीने या 20 धावा केल्या नसत्या तर सामन्याचा निकाल वेगळा लागला असता, कारण रोहित शतक झळकावून नाबाद मैदानातून परतला. पण जेव्हा धोनीने हे 3 षटकार मारले तेव्हा संपूर्ण वानखेडे स्टेडियम नाचले. चेन्नईचे चाहते असोत किंवा मुंबईचे… जवळपास सर्वांनीच माहीचे तीन षटकार मोठ्या उत्साहात साजरे केले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअ‍ॅप ग्रुप
महत्वाच्या बातम्या :
Sharad Pawar: आश्वासनाची पूर्तता न करणे हे भाजपचे वैशिष्ट्य, शरद पवारांचा घणाघात