Thane: प्रेयसीला मारहाण करत कारखाली चिरडले, भाजप पदाधिकाऱ्याचे भयंकर कृत्य
Thane Crime News: सोशल मीडिया इंफ्लुएन्सर प्रिया सिंगने (Priya Singh) तिचा प्रियकर अश्वजित गायकवाडवर (Ashwajeet Gaikwad) तिला कारने चिरडल्याचा आरोप केला आहे. प्रियाने 14 डिसेंबरला इंस्टाग्रामवर काही फोटो पोस्ट केले होते, ज्यात ती हॉस्पिटलच्या बेडवर पडली आहे. तिच्या हाताला, खांद्यावर, पायांना आणि पोटावर जखमा आहेत. तिने या फोटोंसह कॅप्शनमध्ये लिहिले- मला न्याय हवा आहे.
अश्वजित गायकवाड हा एमएसआरडीसी (महाराष्ट्र राज्य रस्ते विकास महामंडळ) चा जॉइंट एमडी अनिल कुमार गायकवाड यांचा मुलगा आहे. अश्वजीतने सोशल मीडियावर भाजप युवा मोर्चा अध्यक्ष म्हणून आपली ओळख बनवली आहे. या प्रकरणी अश्वजीत, त्याचा मित्र रोमिल पाटील आणि ड्रायव्हर सागर हे आरोपी आहेत. हे प्रकरण महाराष्ट्रातील ठाणे जिल्ह्यातील आहे.
या संपूर्ण प्रकरणाची माहिती प्रियाने सोशल मीडियावर दिली
प्रियाच्या म्हणण्यानुसार, 11 डिसेंबरला पहाटे 4 वाजता मला माझ्या प्रियकराचा फोन आला, तो मला भेटू इच्छित होता. तो एका कार्यक्रमात त्याच्या कुटुंबासोबत होता, जे माझे कॉमन फ्रेंडही आहेत. आम्ही तिथे पोहोचलो आणि काही मित्रांना भेटलो. तेव्हा माझा प्रियकर (अश्वजीत) विचित्र वागत होता. मी त्याला विचारले- सर्व काही ठीक आहे ना? मग मी त्याच्याशी एकांतात बोलण्याची विनंती केली.
यानंतर मी फंक्शन सोडला आणि बाहेर त्याची वाट पाहू लागले. काही वेळाने तो त्याचा मित्र रोमिलसोबत बाहेर आला. मी त्याच्याशी बोलण्याचा प्रयत्न केला, पण तो माझा अपमान करू लागला. त्यानंतर अश्वजीतने मला चापट मारून गळा दाबण्याचा प्रयत्न केला. मी त्याच्यापासून स्वतःला वाचवण्याचा प्रयत्न करत होते, पण त्याने माझे केस पकडून मला जमिनीवर फेकले.
मग तो त्याच्या मित्रांसोबत गाडीत बसला आणि म्हणाला – उडवा हिला. आणि त्यांनी मला कारने धडक दिली आणि मला जखमी अवस्थेत तिथे सोडून पळ काढला.
मार लागल्याने प्रिया जखमी झाली
मीडिया रिपोर्ट्सनुसार, मित्र रोमिल आणि ड्रायव्हर सागरच्या सांगण्यावरून अश्वजीतने प्रियाला कारने धडक दिली. 11 डिसेंबर रोजी ठाण्यातील घोडबंदर रोडवरील ओवळा संकुलात अश्वजीतने प्रियाला मारहाण केली. यानंतर पहाटे साडेचार वाजता त्याने प्रियाला आपल्या कारने धडक दिली आणि तिला जखमी करून घटनास्थळावरून पळ काढला.
घटनेच्या तीन दिवसांनंतर, 14 डिसेंबर रोजी पोलिसांनी या प्रकरणी केवळ एफआयआर नोंदवला. अद्याप कोणालाही अटक करण्यात आलेली नाही.
प्रिया म्हणते, अश्वजितचे वडील राजकारणात सक्रिय आहेत. त्यामुळे पोलिसांनी अद्याप त्यांच्या मुलाला चौकशीसाठी बोलावले नाही. रोमिल आणि सुनील प्रिया ज्या हॉस्पिटलमध्ये दाखल आहे त्या हॉस्पिटलमध्ये फेऱ्या मारत आहेत. तिला धमक्या येत असून एफआयआर मागे घेण्यासाठी दबाव टाकला जात आहे.
महत्वाच्या बातम्या-
सर्व महानगरपालिका हद्दीतील मालमत्तांचे सर्वेक्षण करणार – उपमुख्यमंत्री देवेंद्र फडणवीस
आरक्षणावरून आरोप प्रत्यारोप करून काही अर्थ नाही, समंजसपणे हा प्रश्न मार्गी लावा- जयंत पाटलांचे आवाहन