पुन्हा राजकीय भूकंप होण्याची शक्यता; कॉंग्रेसचे अनेक आमदार भाजपच्या वाटेवर?

By Shweta Chidmalwad On Nov 6, 2023

Murugesh Nirani Claim: भारतीय जनता पक्षाचे नेते आणि माजी आमदार मुरुगेश निराणी यांच्या दाव्याने कर्नाटकच्या राजकारणात पुन्हा एकदा खळबळ उडाली आहे. त्यांनी शनिवारी (04 नोव्हेंबर) विजयपुरा येथे सांगितले की, काँग्रेसचे किमान 50 आमदार लवकरच भाजपमध्ये प्रवेश करणार आहेत.

निरानी म्हणाले, सत्ताधारी काँग्रेसमध्ये चार छावण्या आहेत, त्यापैकी प्रत्येक उपमुख्यमंत्रीपदाची मागणी करत आहे. प्रशासनही संघटित होण्यासाठी कोणतेही प्रयत्न करत नाही. विकासासाठी पैसा नाही आणि हे सरकार काही महिन्यात पडेल. काँग्रेसच्या सर्व आमदारांना हे माहीत आहे आणि म्हणूनच ते भाजपमध्ये जाण्याचा प्रयत्न करत आहेत.

यापूर्वी भाजप नेते रमेश जारकीहोळी यांनीही मुरुगेश निरानी यांच्यासारखा दावा केला होता. सिद्धरामय्या सरकारला बाहेरून धोका नसून पक्षातूनच धोका असल्याचे ते म्हणाले होते. त्यांनी दावा केला होता की, कर्नाटकातील काँग्रेस सरकारचे तेच होईल जे महाराष्ट्रात उद्धव सरकारचे झाले. उपमुख्यमंत्री डीके शिवकुमार आणि कंपनी सरकार पाडण्यासाठी जबाबदार असेल.