राष्ट्रवादीचे आमदार एकनाथ खडसे यांना हृदयविकाराचा झटका, शिंदेंनी तात्काळ पाठवली मदत

By Shweta Chidmalwad On Nov 5, 2023

Eknath Khadse Heart Attack: राष्ट्रवादी काँग्रेसचे नेते आणि आमदार एकनाथ खडसे यांना आज अचानक हृदयविकाराचा झटका आल्याचे वृत्त समोर येत आहे. मुख्यमंत्री एकनाथ शिंदे (CM Eknath Shinde) यांच्यापर्यंत हे वृत्त पोहोचताच त्यांनी तात्काळ एअर ऍम्ब्युलन्स पाठवत त्यांना जळगावहून मुंबईला उपचारासाठी आणले आहे. एकनाथ खडसे यांची कन्या रोहिणी खडसे (Rohini Khadse) हिने मुख्यमंत्र्यांना कॉलद्वारे बातमी कळवली, ज्यानंतर शिंदेंनी तात्काळ सुत्रे हलवली आणि मदत पोहोचवली.

दुपारच्या सुमारास खडसे यांना छातीमध्ये दुखत होते. त्यानंतर तात्काळ त्यांना स्थानिक हॉस्पिटलमध्ये दाखल करण्यात आले. त्यांची प्रकृती सध्या ठीक असल्याचे समजतंय. मुख्यमंत्री शिंदे यांना याची माहिती कळल्यानंतर त्यांनी खडसे यांना उपचारासाठी मुंबईत आणण्याची तयारी सुरु केली आहे. त्यांच्यासाठी एअर ऍम्ब्युलन्सची सोय केली आहे.