‘माझी पत्नी सुंदर आहे आणि मी कांड करतो’
कानपूर – कानपूरमधील आर्यनगरमधील समाजवादी पक्षाचे आमदार अमिताभ बाजपेयी यांचा एक वादग्रस्त व्हिडिओ सोशल मीडियावर चांगलाच व्हायरल होत आहे. त्यांचे वक्तव्य हिंदूंच्या भावना दुखावणारे आहे असं सांगितले जात आहे.
या व्हिडीओमध्ये अमिताभ बाजपेयी सुंदरकांडवर काही कमेंट करताना दिसत आहेत. हा व्हिडिओ एका कार्यक्रमाचा आहे, ज्यामध्ये अमिताभ बाजपेयी ‘माझी पत्नी सुंदर आहे आणि मी कांड करत राहिल्यामुळे मी सुंदरकांड केले’ असे म्हणताना आणि ऐकू येते. अमिताभ बाजपेयी यांच्या लग्नाचा वाढदिवस होता आणि यावेळी त्यांनी सुंदरकांड कार्यक्रमाचे आयोजन केले होते. यादरम्यान मोठी गर्दी झाली होती.
वाद निर्माण होताच भाजपवर टीका यानंतर स्वतःच स्पष्टीकरण देताना ते म्हणाले की, धर्मग्रंथाचा अपमान करण्यासारखे काहीही नाही आणि हा भाजपच्या लोकांचा अपप्रचार आहे. त्या दिवशी माझ्या लग्नाचा वाढदिवस होता, कोणाला काय हरकत आहे. या भाजपने धर्माचा ठेका घेतला आहे. मी पण बिस्बिसुआचा ब्राह्मण आहे. मी माझ्या बायकोशी विनोद करतो, इतर कोणाला यावर भाष्य करण्याचा काय अधिकार आहे?